2022-2023ko Espainiako Ohorezko MailaHerrialdea | Espainia |
---|
Datak | 2022ko urriak 2 – 2023ko maiatzak 7 |
---|
Parte-hartzaileak | 13 talde |
---|
Irabazlea | VRAC |
---|
Finalista | Aparejadores Burgos |
---|
Maila galdutakoak | CR La Vila, Gernika RT |
---|
Webgunea | ferugby.es |
---|
Aurretik: 2021-2022 Ondoren: 2023-2024 |
2022-23ko Espainiako Errugbiko Ohorezko Maila Espainiako gizonezkoen errugbi liga nagusiaren 56. denboraldia izan zen. 13 talde lehiatu ziren, 2022ko urriaren 2tik 2023ko maiatzaren 7ra arte. VRAC izan zen irabazlea, finalean Aparejadores Burgos 40 eta 34 garaiturik.[1]
Taldeak
2021-22ko denboraldian, Alcobendas taldeak iruzur egin zuen Gavin van den Berg hegoafrikar jokalariaren pasaportearekin. Horren ondorioz, Espainiako Errugbi Federazioak Ohorezko B Mailara jaitsi zuen Madrilgo taldea.[2]
Iruzurraren berri izan orduko, Gernika Rugby Taldea, denboraldi hartan maila galdua zuena, epaitegietan borrokatzen hasi zen mailari eusteko. Azken erabakia, ordea, asko luzatu zen. Liga 12 talderen artean jokatzeko antolaturik bazegoen ere, 2022ko irailaren amaieran, Kirol Administraziorako Epaitegiak arrazoia eman zion Bizkaiko taldeari, eta maila gorenean jokatu ahal izan zuen. Hala, hamahiru talde aritu ziren nor baino nor gehiago.[3][4]
Lehiaketa sistema
Lehenbiziko fasea liga moduan jokatu zen, denak denek aurka, partida bakarrera. Ligaxka horren ostean bi multzo eratu ziren: 6 talde hoberenak A multzoan eta beste 7ak B multzoan. Bigarren fasean, multzo bakoitzeko taldeek itzuli bakarreko ligaxka jokatu zuten, eta lehenbiziko fasean lortutako puntuak ere gehitu zitzaizkien.[5]
Puntuak honela banatu ziren:
- 4 puntu garaipenagatik
- 2 puntu berdinketagatik
- 0 puntu porrotagatik
- eraso bonus puntu bat, 4 entsegu edo gehiago lortzeagatik.
- defentsa bonus puntu bat, 7 tanto edo gutxiagoko aldeaz galtzeagatik.
A multzoko talde guztiek eta B multzoko bi hoberenek titulurako kanporaketak jokatu zituzten. B multzoko azken bi taldeak Ohorezko B Mailara jaitsi ziren, eta 5.ak mailari eusteko playoff-a jokatu behar izan zuen Ohorezko B Mailako bigarrenaren kontra.
Lehenbiziko fasea
| A multzorako sailkatua |
| B multzorako sailkatua |
Bigarren fasea
A multzoa
B multzoa
|
| Kluba | Jokatuak | Irabaziak | Berdinduak | Galduak | Aldeko tantoak | Aurkako tantoak | Aldea | Eraso bonusak | Defentsa bonusak | Puntuak |
1 | Complutense Cisneros | 18 | 12 | 0 | 6 | 550 | 392 | +158 | 6 | 2 | 56 |
2 | AMPO Ordizia | 18 | 10 | 0 | 8 | 608 | 489 | +119 | 6 | 3 | 49 |
3 | Pasek Belenos | 18 | 8 | 0 | 10 | 393 | 469 | -76 | 3 | 2 | 37 |
4 | Les Abelles | 18 | 7 | 0 | 11 | 476 | 466 | 10 | 3 | 5 | 36 |
5 | Pozuelo RU | 18 | 6 | 0 | 12 | 528 | 573 | -45 | 3 | 4 | 31 |
6 | Gernika RT | 18 | 3 | 0 | 15 | 353 | 582 | -229 | 2 | 3 | 17 |
7 | CR La Vila | 18 | 0 | 0 | 18 | 131 | 1132 | -1001 | 0 | 0 | 0 |
| Final laurdenetarako sailkatua |
| Jaitsierako playoff-a jokatu beharra |
| Ohorezko B Mailara jaitsia |
Fase finala
Pozuelo RU-k, B multzoko 5. sailkatuak, Kantabriako Independiente RC-ren aurka jokatu zuen mailari eusteko promozioa. Madrildarrek bi partidak irabazi zituzten: 25-73 Santanderren eta 97-21 etxean; beraz, 2023-2024ko denboraldian Ohorezko Mailan berriz jokatzeko txartela eskuratu zuten.[7]
Erreferentziak
- ↑ Peñacoba Rogel, Fco. Javier. 40-34 Aparejadores acaricia el título pero en la prórroga decidió el VRAC. burgosdeporte.com (Noiz kontsultatua: 2024-2-18).
- ↑ Contreras, Rodrigo. Fin al culebrón 'Van den Berg' entre la Federación y el Alcobendas. Relevo, 2022ko urriak 12, relevo.com (Noiz kontsultatua: 2024-2-19).
- ↑ Gernika Ohorezko Mailan arituko da hurrengo sasoian. Berria, 2022ko irailak 25, berria.eus (Noiz kontsultatua: 2024-2-16).
- ↑ Berastegi, Iñaki. Hasi baino lehen, atzetik. Berria, 2022ko irailak 29, berria.eus (Noiz kontsultatua: 2024-2-16).
- ↑ La División de Honor de rugby arrancará con 13 equipos y cambio de formato. Sport, 2002ko irailak 28, sport.es (Noiz kontsultatua: 2024-2-20).
- ↑ a b Clasificación Rugby División de Honor 2022/2023. rtve.es (Noiz kontsultatua: 2024-2-16).
- ↑ Pozuelo Rugby gana la promoción y mantiene su plaza en División de Honor. ferugby.es (Noiz kontsultatua: 2024-5-27).
Kanpo estekak