Apple Watch
Apple Watch | |
---|---|
smartwatch model (en) ![]() | |
![]() ![]() | |
![]() | |
Fabrikazioa | |
Fabrikatzailea | Quanta Computer |
Garatzailea | Apple Inc. |
Diseinatzailea | Apple Inc. |
Historia | |
Sorrera | 2015eko apirilaren 24a |
Sistema eragilea | watchOS (mul) ![]() |
![](http://upload.wikimedia.org/wikipedia/commons/thumb/9/92/Apple_Watch-.jpg/219px-Apple_Watch-.jpg)
Apple Watch (merkatuko estiloan WATCH) Applek aurkeztutako lehen smartwatcha edo ordulari inteligentea da. Tim Cookek 2014an salmentaren berria eman ondoren, 2015eko apirilaren 24an salgai daude. Hasieran, Estatu Batuetan, Japonia, Kanada eta beste hainbat herrialdeetan salgai eman zen, berriz, Espainian, Mexikon eta beste 5 herrialdeetan, ekainaren 26an, merkatura atera zen. [1]
Funtzioak
Watch OS sistema operatiboa erabiltzen du. Gaur egungo azkeneko bertsioa watchOS 9 da, berritasunez beteta datorrena. Prestazio berri asko Entreno aplikazioan, loari eta osasunari buruzko informazio oso erabilgarria eta esfera gehiago, ahalik eta gehien pertsonalizatu ahal direnak.[2]
Erlojuak koro digital bat du, funtzio estetikoa betetzeaz gain, erantzun haptikorako funtzionatzen du. Pantailaren tamaina txikia denez, ez da oso praktikoa Appleren ukipen-pantailak dituzten gainerako gailuen keinuak erabiltzea. Gailuak erretinazko pantaila berezi eta malgu bat du, erloju-mota bakoitzerako babes desberdina duena, eta haren gainean egindako presioa detektatzeko gai dena; beraz, pultsazioaren eta presioaren arteko aldea atzematen du[3]. Applek "Force Touch" izena jarri dio teknologia horri, eta handik gutxira "3D Touch" izena hartu zuen, Android-ekin zituen egile-eskubideen arazoak zirela eta.
Apple watch-aren hirugarren belaunaldiak GPSa du eta mugikorrarekiko konexioa Bluetooth 4.0 bidez egiten da, lehen bertsiotik.
2 gigabyteko barne-biltegiratzea du.[4]Horrez gain, Apple Payren bidez ordainketak egiteko beharrezkoa den hardwarea integratuta dauka, bihotz-pultsuko sentsore bat ere badu jarduera fisikoa monitorizatzeko.
Gainera, Siri laguntzaile pertsonala dauka, eta horri dei diezaiokegu "Aizu, Siri" esanez edo segundo batez koroa digitala sakatuz. Galdera azkarrei erantzuteaz eta aplikazioei buruzko informazioa lortzeaz gain, baliagarria da ahots-mezuak diktatzeko eta Facebook, Twitter, WhatsApp, Telegram (5. bertsiora arte), SMS, posta elektronikoa edo mezularitzako edo sare sozialeko beste edozein plataforma bateragarriren bidez bidaltzeko, erlojuak ez baitu teklaturik.[5]
Zehaztapenak
![](http://upload.wikimedia.org/wikipedia/commons/thumb/d/d0/Apple_Watch_Series_4_40mm_space_gray_Aluminum.jpg/191px-Apple_Watch_Series_4_40mm_space_gray_Aluminum.jpg)
Diseinua eta materialak
4 bertsio daude, karkasaren materialagatik, koloreagatik eta tamainagatik bereizten direnak. Jatorriz erloju digitala abian jarri zenean, Apple Watchek hiru "bildumetako" bat bezala merkaturatu zen:
- Apple Watch Ultra
- Apple Watch Sport
- Apple Watch normala[6]
Tamaina
Apple Watch-a aurkeztu zenetik, bi tamainatan egon da eskuragarri, batez ere pantailaren bereizmenari eta eremuari eragiten diotenak.[7] Merkataratzean, tamaina txikiagoa 38 mm-koa zen, erlojuaren kaxaren gutxi gorabeherako altuerari erreferentzia eginez; tamaina handiagoa 42 mm zituen. 4. serietik hasita, bi tamaina nominalak 40 mm (txikiagoa) eta 44 mm (handia) izan dira. Tamaina nominalak berriro aldatu ziren 7. seriearen sarrerarekin: 41 mm (txikiagoa) eta 45 mm (handia).[8][9]
Erlojuaren forma eta zabalera orokorra ez da nabarmen aldatu kaleratu zenetik, beraz, banda eta osagarri pertsonalizagarriak normalean tamaina bereko edozein Apple Watch-ekin bateragarriak dira. Tamaina txikiagoko klasera (38 mm, 40 mm eta 41 mm erlojuak) eta tamaina handiagoko klaseetara (42 mm eta 44 mm) egokitzen diren bandak daude. [10]
Bateria
Apple-k gailuaren bateria 18 orduko erabilera mistoan baloratzen du[11]. Apple Watch karga induktiboaren bidez kargatzen da[12]. Erlojuaren bateria ehuneko 10 baino gutxiago agortzen bada, erabiltzaileari abisua emango zaio eta potentzia baxuko modua aplikatzeko aukera ematen dio, horri esker, erabiltzaileak erlojua etengabe erabiltzeko aukera ematen dio, funtzio batzuk desgaituta dauden bitartean. Orduan, erlojua jatorrizko modura itzultzen da bateria nahikoa kargatuta dagoenean.[13]
Erreferentziak
- ↑ «Apple Watch será lanzado en Abril 2015» web.archive.org 2016-02-19 (Noiz kontsultatua: 2022-10-18).
- ↑ (Gaztelaniaz) «watchOS 9» Apple (España) (Noiz kontsultatua: 2022-10-18).
- ↑ «Apple presento el Apple Watch | TechBloGeek» web.archive.org 2014-10-06 (Noiz kontsultatua: 2022-10-18).
- ↑ «Apple Watch | Relojes Inteligentes» web.archive.org 2016-09-16 (Noiz kontsultatua: 2022-10-18).
- ↑ (Ingelesez) Potuck, Michael. (2018-10-24). «Telegram Apple Watch support returns with iOS update» 9to5Mac (Noiz kontsultatua: 2022-10-18).
- ↑ (Gaztelaniaz) «Apple Watch - Comparar modelos» Apple (España) (Noiz kontsultatua: 2022-10-18).
- ↑ (Ingelesez) «Apple's 'iWatch' to have two sizes, 8GB storage, multiple material & color options for 2015 launch - report» AppleInsider (Noiz kontsultatua: 2022-10-19).
- ↑ (Ingelesez) Etienne, Stefan. (2018-09-12). «Apple Watch Series 4 is thinner than previous models but bulkier than the original» The Verge (Noiz kontsultatua: 2022-10-19).
- ↑ Mezentsev, N.V.. (2021). «ANALYSIS OF THE INNOVATIVE PRODUCTS COMPETITIVENESS ON THE EXAMPLE OF THE APPLE WATCH SERIES SMART WATCH» Vector Economy (6) doi:10.51691/2500-3666_2021_6_4. ISSN 2500-3666. (Noiz kontsultatua: 2022-10-19).
- ↑ (Ingelesez) «The Best Apple Watch Bands» PCMAG (Noiz kontsultatua: 2022-10-19).
- ↑ (Ingelesez) Cunningham, Andrew. (2015-05-03). «Review: The absolutely optional Apple Watch and Watch OS 1.0» Ars Technica (Noiz kontsultatua: 2022-10-19).
- ↑ «Live from Apple's iPhone 6 and iWatch event - The Verge» web.archive.org 2014-09-09 (Noiz kontsultatua: 2022-10-19).
- ↑ «Apple - Apple Watch - Battery» web.archive.org 2015-04-16 (Noiz kontsultatua: 2022-10-19).
Kanpo estekak
- Leku ofiziala
Datuak: Q18010946
Multimedia: Apple Watch / Q18010946