Beltzez Jantzitako Emakumeak
Beltzez Jantzitako Emakumeak (hebreeraz: נשים בשחור, Nashim BeShahor) gerraren aurka eta herrialde askotan dauden emakume taldeak dira: Alemanian, Australian, Kolonbian, Costa Rican, Ameriketako Estatu Batuetan, Ingalaterran, Italian, Israelen, Espainian... Israelen sortu ziren, 1988an, okupazioa modu baketsuan salatzeko. Geroztik, Israelgo hiri askotako plazetan bildu ohi dira ostiralero, eta mugimendu hori beste herrialde askotara hedatu da. Isilarazitako emakumeen eta munduko gatazka armatuetako biktima diren emakumeen ahotsa bihurtu dira.
Hauek dira Beltzez Jantzitako Emakumeak identifikatzeko ikurrak:
- Kolore beltzeko arropa, gerren biktima ezagun eta ezezagun guztiengatik dolua azaltzeko.
- Isiltasuna, ez dagoelako nahikoa hitz gerra bakoitzak sortzen duen izua eta laztura adierazteko.
- Kaleetan eta plazetan beren jarrera publikoki adieraztea.
- Indarkeriarik eza, hori baita, haien ustez, bakearen eta antimilitarismoarren alde lan egiteko tresna nagusia.
Kanpo estekak
- Official website
- UK branch website
- Women in Black documents Israeli Left Archive
- Twenty years' anniversary of the Women in Black Women's News
Datuak: Q1083473
Multimedia: Women in Black / Q1083473