Boa Vista Brasilgo hiria da, Roraima estatuko hiriburu eta biztanle gehien dituen hiria. Branco ibaiaren ertzean dago. Brasil guztian, Boa Vista da osorik Ekuatoretik iparralderantz dagoen hiri bakarra. Azalera handikoa da, 5.117,9 km²-koa: bertako indigenen eremua 1.447,35 km²-koa da.
Deigarria da hiriaren egitura erradiala, Parisko tankerako kaleekin: 1944-1946 bitarteko plana izan zen hori. Joaquim Nabuco Plazara doaz hiriko etorbide nagusiak: plaza horretan daude botereen egoitza nagusiak, hala nola Gobernuaren Jauregia, Legebiltzarra, Kultura Jauregia, Postetxea, Katedrala, banketxeak, hotelak eta abar. Izan ere, administrazio-hiria da, estatuko zerbitzu guztiak dituena.
Historia
Boa Vista do Río Branco ganadu-aziendatik sortu zuen Boa Vista Inacio Lopes de Magalhaes-ek 1830. urtean; orduan Amazonas estatuko lurraldea zen. 1890. urterako herrigunea zen, eta hazten joan zen Manaos hiriarekin lotzen zuen errepidea egin zutenetik. XX. mendeko 40ko hamarkadarako asko hazi zen, eta Rio Branco-ko Lurralde Federaleko hiriburu bihurtu zen 1943. urtean (gerora Lurraldeari Roraima izendapena eman zioten). Metal preziatuak makinen bidez erauztea debekatu zutenetik hiriak asko galdu zuen, bai diruz bai itxuraz.
Klima
Datu klimatikoak (Boa Vista, 1961-1990) |
Hila | Urt | Ots | Mar | Api | Mai | Eka | Uzt | Abu | Ira | Urr | Aza | Abe | Urtekoa |
Batez besteko tenperatura maximoa (°C) | 32.6 | 33.4 | 33.7 | 33.0 | 31.4 | 30.3 | 30.4 | 31.7 | 33.0 | 33.6 | 33.4 | 32.8 | 32.4 |
Batez besteko tenperatura minimoa (°C) | 23.2 | 23.3 | 23.6 | 23.5 | 23.2 | 22.4 | 22.3 | 22.9 | 23.4 | 23.6 | 23.6 | 23.3 | 23.2 |
Pilatutako prezipitazioa (mm) | 25.1 | 18.1 | 30.9 | 88.5 | 213.0 | 321.3 | 267.8 | 188.0 | 99.4 | 63.5 | 60.8 | 44.0 | 1420.4 |
Iturria: Brazilian National Institute of Meteorology (INMET) [1] |
Demografia
Biztanleriaren bilakaera |
Urtea | Biztanleak |
1970 | 36.464 |
1980 | 67.017 |
1991 | 144.249 |
2000 | 200.568 |
2010 | 284.313 |
Erreferentziak
- ↑ Climatological Information for Boa Vista, Brazil. Brazilian National Institute of Meteorology (Noiz kontsultatua: 29 December 2012).
Kanpo estekak