Carole Pateman
Carole Pateman | |||
---|---|---|---|
![]() ![]() | |||
2010 - 2011 | |||
Bizitza | |||
Jaiotza | Sussex, 1940ko abenduaren 11 (83 urte) | ||
Herrialdea | ![]() | ||
Hezkuntza | |||
Heziketa | Oxfordeko Unibertsitatea | ||
Tesia | Participation and recent theories of democracy (en) ![]() | ||
Hizkuntzak | ingelesa | ||
Jarduerak | |||
Jarduerak | politologoa, filosofoa, unibertsitateko irakaslea, emakumeen eskubideen aldeko ekintzailea eta Politikari teorikoa | ||
Enplegatzailea(k) | Kaliforniako Unibertsitatea Los Angelesen | ||
Lan nabarmenak | ikusi
| ||
Jasotako sariak | ikusi
| ||
Kidetza | Britainiar Akademia Arteen eta Zientzien Ameriketako Estatu Batuetako Akademia Learned Society of Wales (en) ![]() | ||
![]() ![]() |
Carole Pateman (Sussex, Ingalaterra, 1940ko abenduaren 11) teorialari feminista eta politikoa da. Demokrazia liberalaren kritikalari ezaguna. 1988an Kontratu Sexuala idazteagatik ezaguna.
Biografia
![](http://upload.wikimedia.org/wikipedia/commons/thumb/6/6c/Carole_Pateman_in_Brazil_2015_03.jpg/220px-Carole_Pateman_in_Brazil_2015_03.jpg)
Patemanek 16 urterarte neskentzako eskola batean ikasi zuen. 1963an Oxfordeko Ruskin Collegen sartu zen ekonomia, politika, historia eta soziologia ikastera. Lady Margaret Hall-en lekua irabazi zuen PPE-a irakurtzeko.
1972an, Sydneyko Unibertsitatean teoria politikoko irakasle hartu zuten[1]. 1990az geroztik, Los Angeleseko Kaliforniako Unibertsitateko (UCLA) Zientzia Politikoko irakaslea da, eta Distinguished Professor Emeritus aitortza ere badu.[2] 1991tik 1994ra Zientzia Politikoen Nazioarteko Elkarteko lehenengo emakume presidentea izan zen. 2007an, Britainiar Akademiako kide izendatu zuten.[2] 2010-2011 Amerikako Zientzia Politikoen Elkarteko presidentea izan zen. Cardiffko Unibertsitateko Europako Ikasketen Eskolako ohorezko irakaslea ere bada. Australiako Unibertsitate Nazionalean, Irlandako Unibertsitate Nazionalean eta Helsinkiko Unibertsitatean ohorezko tituluak ditu ere.
Kontratu sexuala
Iraultza frantsesak «liberté, egalité, fraternité» aldarrikatuz ezarritako ordenak kontratu soziala jarri zuen indarrean, ustez askatasunean, berdintasunean eta elkartasunean oinarritzen zen ituna. Baina kontratu soziala ez da askatasunez egiten, ez berdinen artean, ez eta adostasunez ere, ez bada anaidiaren barnean; fraternité ez baita elkartasuna, anaien, gizonen, arteko aliantza baizik. Kontratu soziala libertateari buruzko fikzio politiko bat baino ez da; kontratu sexuala, berriz, menderakuntzari buruzko historia bat. Berez kontratu soziala itun sexual-sozial bat da, gizonezkoek emakumeen gorputzez jabetzeko itundua duten sexurako eskubidea duelako oinarri. Kontratu soziala patriarkatua iraunarazteko itun bat da, eta, horretarako ezkontza, enplegua, prostituzioa eta haurdunaldi subrogatuaren kontratuak baliatzen ditu.[3]
Horrelaxe dio Carole Pateman politologo feministak Kontratu sexuala bere lanik esanguratsuenean, sinetsita baitago demokrazia, sozialismoa eta askatasuna iristeko patriarkatuaren sustraiak azaleratu eta bide antipatriarkal berriak pentsatu behar direla.[3]
Maialen Berastegik, 53. Durangoko Azokan aurkeztu zuen liburuaren itzulpena eta Jule Goikoetxea eta Lorea Agirrerekin batera liburuaren aurkezpena egin zuen.[4] Berria egunkarian egindako elkarrizketan hurrengoa esan zuen Berastegik[5]:
Feminismo autonomo bat eskatzen du Patemanek, ez gizonen berdinak izatea
Obrak
Euskaraz
- Kontratu Sexuala (Elkar, 2018)[3]
Gaztelaniaz
- El contrato sexual (Anthropos, 1995)
- Participación y teoría democrática (Prometeo, 2014)
- El contrato sexual (Menades, 2019)
Ingeleraz
- The Disorder of Women: Democracy, Feminism, and Political Theory (Polity Press, 1989)
- The Sexual Contract (Polity Press, 1988)
- The Problem of Political Obligation: A Critical Analysis of Liberal Theory (John Wiley and Son, 1979)
- Participation and Democratic Theory (Cambridge Univ. Press, 1970)
Liburuetako kapituluak
- Pateman, Carole. Dowding ed. The ethics of stakeholding. ISBN 978-1-4039-0580-2..
Aldizkariko artikuluak
- Pateman, Carole (guest editor). Introduction. doi:10.1080/00323268308401882..
- Pateman, Carole. Participatory Democracy Revisited. doi:10.1017/S1537592711004877..
Bideoak
- Lurraren, Bizitzaren eta Askatasun eskubidearen baliokidea? Demokrazia eta Oinarrizko Errentaren Ideia ( Esteka )
Irakurketa gehiago
- On, Steve. Browning ed. Dialogues with contemporary political theorists. ISBN 978-0-230-30305-8..
- Carole Pateman y la crítica feminista a la teoría clásica de la democracia (Locke y Rousseau) Alicia del Águila. Revista Estudos Feministas 2014, 22 (2)
Sariak eta Aitorpenak
- 1993-1994 Guggenheim Fellow.
- 1994az geroztik, Gizarte Zientzien Ikasketa Aurreratuen Suediako Elkargoko Nazioarteko Aholku Batzordeko kidea da.
- 2012an Zientzia Politikoko Johan Skytte saria.[6]
- 2013an, UK Political Studies Association-en Aitorpen Berezia irabazi zuen.
- 2015ean, Galesko Learned Society-ko kide.[7] [8]
- Australiako Zientzia Politikoen Elkarteak (APSA) Carole Pateman saria ematen du bi urtean behin generoa eta politikaren gaiari buruz argitaratutako liburu onenari. [9]
Erreferentziak
- ↑ Lechte, John. (1994). Fifty key contemporary thinkers : from structuralism to postmodernity. London ; New York : Routledge ISBN 978-0-415-05727-1. (Noiz kontsultatua: 2021-11-14).
- ↑ a b Carole Pateman faculty page at UCLA
- ↑ a b c (Gaztelaniaz) www.funtsak.com, Funtsak-Diseño y Programación Web-. «Kontratu sexuala - Carole Pateman» www.txalaparta.eus (Noiz kontsultatua: 2021-11-14).
- ↑ #53DA “Kontratu Sexuala” Aurkezpena areto nagusian. (Noiz kontsultatua: 2021-11-14).
- ↑ Garate, Miren. «Kontratu sozial ezkutatuak» Berria (Noiz kontsultatua: 2021-11-14).
- ↑ Carole Pateman winner of the Johan Skytte Prize 2012. .
- ↑ Fellows elected to the Learned Society of Wales. British Academy. Published 24 April 2015. Retrieved 1 July 2018.
- ↑ Professor Carole Pateman. Learned Society of Wales. Retrieved 1 July 2018.
- ↑ Archived copy. .
Kanpo estekak
- Carole Pateman Papers - Pembroke Center Archives, Brown University
Datuak: Q299627
Multimedia: Carole Pateman / Q299627