Estibalitz Jalón
Estibalitz Jalón | |
---|---|
![]() (2024) | |
Bizitza | |
Jaiotza | Gasteiz, 1984 (39/40 urte) |
Herrialdea | ![]() |
Hezkuntza | |
Hizkuntzak | gaztelania |
Jarduerak | |
Jarduerak | ilustratzailea |
Jasotako sariak | ikusi
|
estibalitzjalon.com | |
![]() ![]() |
Estibalitz Jalón Martínez (Gasteiz[1], Araba, 1984) ilustratzailea eta diseinatzailea da.[2] Haren ilustrazio-lanik ospetsuenak haur eta gazte literaturan argitaratutakoak dira, hainbat sari lortu baititu lan horien ondorioz.
Ilustratzaile ibilbidea
Ilustraziorako pasioa haurtzaroan piztu zitzaion, bere amak marrazten erakutsi zionean. Hala ere, ez zuen inoiz pentsatu lanbidez ilustratzaile izango zenik, ez baitzekien lanbide hau existitzen zenik ere. Gainera, berentzat margolanetan aritzea denbora-pasa bat besterik ez zen. Hori horrela izanik, Arte Ederrak ikasteari uko egin zion, denek hau ikastea gomendatzen zioten arren. Azkenean, Logroñoko Goi Mailako Diseinu Eskolan gauzatu zituen bere ikasketak.
2007an bere lehen lana argitaratu zuen, eta ordutik, hogei liburu baino gehiago ilustratu ditu, haien artean nabarmentzen direnak Katalina kontalari, Ipurtargien festa eta Kristalezko bola berezi-berezi bat dira. [3]
Bere ibilbide artistikoaren parte garrantzitsu bihurtu zen 2003an "Sócrates, Culture and National Identity" proiekturako egin zen bere ilustrazioen aukeraketa. Gainera, beste sari batzuen artean, 2008. urtean, Katalina kontalari liburuarekin III. Etxepare beka irabazi zuten.[4]
Hainbat sari eskuratu ditu orain arte eta zenbait aipamen berezi jaso ere bai. 2013 eta 2014. urteetan, Euskadi, Nafarroa eta Iparraldeko haurrek JUUL saria eman zioten, euren ilustratzaile gustukoenetakoen artean aukeratu eta gero. Sari hura oso berezia izan zen Jalonentzat, literatura hauteskunde batzuetan parte hartu ondoren saria haurrek ematen zutelako.[5]
Bestalde, 2010. urtean, IBBYren Nazioarteko 32. Kongresuan, 100 de Hoy : Ilustradores y escritores de literatura infantil y juvenil de Estado Español erakusketan parte hartzeko aukeratu zuten.[3]
Ilustrazio teknika
![](http://upload.wikimedia.org/wikipedia/commons/thumb/a/a0/Lorea.jpg/200px-Lorea.jpg)
Ez da eremu zehatz baten espezializatzen. Bere lehen lanak Haur Literaturaren inguruan hasi zituen arren, gaur egun, moda munduari, bodegentzako, olio-errotentzako etiketak diseinatzeari ekin dio. Baita, ekitaldietarako kartelak diseinatzeari ere.[6]
Ilustrazio bat egiteko, bere iraganeko oroitzapenetan oinarritzen da. Orain arte egin dituen lanek hainbat istorio gordetzen dituzte atzean, eta elementu eta pertsonaia bakoitzak bere esanahia du.
Koloreek garrantzia handia hartzen dute bere pinturetan emozioak transmititzeko teknika bezala erabiltzen dituelako. Horrez gain, begiek ere zati nabarmena islatzen dute.[7]
Moda ibilbidea
Azken urteotan, moda eta diseinuan murgilduta egon da. ARMUSELI firmarentzat, ¡Hola! aldizkarian edo Parisko Nazioarteko Moda Saloian hartu du parte. Bartzelonako 080 Barcelona Fashionen ere aritu da[8].
Lanak
- Xirripin fantasmatxoa. Iñaki Zubeldia, Estibalitz Jalón (2007, Ibaizabal)
- Dimitri. Joan de Déu Prats Pijoan, Estibalitz Jalón (2008, Desclee)
- Salimarentzat Oparia. Iñaki Zubeldia, Estibalitz Jalón (2008, Ibaizabal)
- Txerrikumeen abenturak. Iñaki Zubeldia, Estibalitz Jalón (2008, Ibaizabal)
- Garazi Gerezi. Leire Bilbao, Estibalitz Jalón (2009, Gero-Mensajero)
- Ipuin eroa. Iñaki Zubeldia, Estibalitz Jalón (2009, Desclee de Brouwer )
- Armairu barruan ipuinak irakurtzen zituen neska. Leire Bilbao, Estibalitz Jalón (2010, Erein)
- Katalina kontalari. Iñaki Zubeldia, Estibalitz Jalón (2010, Faktoria K de libros / Pamiela)
- Marfilezko kutxatxoa. Joan de Déu Prats Pijoan, Estibalitz Jalón (2010, Desclee de Brouwer)
- Ipurtargien festa. Iñaki Zubeldia, Estibalitz Jalón (2012, Denonartean)
- Eskola sorgindua. Iñaki Zubeldia, Estibalitz Jalón (2013, Ibaizabal)
- Erikaren ttilikak. Castillo Suarez, Estibalitz Jalón (2013, Aizkorri)
- Kristalezko bola berezi bat. Toti Martinez de Lezea, Estibalitz Jalón (2013, Erein)
- Nire lagunen gezurrak. Joxemari Iturralde, Estibalitz Jalón (2014, Erein)
- Iker ikerlaria. Xabier Olaso, Estibalitz Jalón (2014, Ibaizabal)
- Ros. Miren Agur Meabe, Estibalitz Jalón (2016, Erein)
- Pentsatzeko txokoa. Nerea Arrien, Estibalitz Jalón (2016, Erein)
- Atrapa eguna. Nerea Arrien, Estibalitz Jalón (2017, Erein)
- Amamaren grafitiak : 60 urte eta gehiagoko etxekoandre baten bakarrizketa. Toti Martinez de Lezea, Estibalitz Jalón (2017, Erein)
- Eskola hodeian. Nerea Arrien, Estibalitz Jalón (2018, Erein)
Erakusketak
- 2010: 32. IBBY-ren Nazioarteko Batzarra: Estibaliz Jalon (erakusketa kolektiboa), Santiago de Compostela , 2010eko irailaren 8tik 12ra, Donostia[9]
- 2014: Ilustratzailearen txokoa: Estibaliz Jalón., Aiete Kultur Etxea , 2014ko irailaren 17tik abenduaren 14ra, Donostia[10]
- 2014: Estibaliz Jalón., Garabat, 2014ko uztailaren 18tik irailaren 18ra,Bilbao[11]
Sariak
- 2005: Laudioko udaletxeko ipuinen irudigintzako XIV lehiaketako irabazlea, (Araba), Laudioko Udala
- 2006: Laudioko udaletxeko ipuinen irudigintzako XV lehiaketako irabazlea, (Araba), Laudioko Udala [12]
- 2008: Etxepare Beka
- 2009: III. Etxepare saria, "Katalina kontalari" liburuarekin[13][14].
- 2013: JUUL saria
- 2014: JUUL saria
- 2018: Farolillo de Papel saria, Bizkaiko Liburu Saltzaileen Elkarteak emana[15].
Bibliografia
- Zubeldia, Iñaki: «Ilustrazioen garrantzia haur literaturan. Estibalitz Jalón etorkizun handiko ilustratzailea», Egan, 2013-3/4, 235-246.
Erreferentziak
- ↑ «Gonbidatuak - Literaktum» aurrekoak.literaktum.eus (Noiz kontsultatua: 2024-01-16).
- ↑ «Estibalitz Jalón I Moda» estibalitz-jalon (Noiz kontsultatua: 2023-10-04).
- ↑ a b «Estibalitz Jalón, ilustradora de sueños» baskoniacultura.com.[Betiko hautsitako esteka]
- ↑ «Estibalitz Jalón» kalandraka.com jatorrizkotik artxibatua (artxibatze data: 2019-03-21).
- ↑ «Ilustratzailearen txokoa» donostiakultura.com.
- ↑ «Estibalitz Jalón» estibalitzjalon.com.
- ↑ «Estibalitz Jalón, ilustradora de sueños» baskoniacultura.com.
- ↑ «ESTIBALITZ» estibalitz-jalon (Noiz kontsultatua: 2023-10-04).
- ↑ «Invitad@s - Literaktum» www.literaktum.eus (Noiz kontsultatua: 2023-10-16).
- ↑ Ilustratzailearen txokoa: Estibaliz Jalon. .
- ↑ Estibaliz Jalon. .
- ↑ «Irudigileak» galtzagorri.eus.[Betiko hautsitako esteka]
- ↑ «Iñaki Zubeldiak eta Estibaliz Jalonek irabazi dute III. Etxepare Beka - Sakana» Guaixe.eus (Noiz kontsultatua: 2023-10-03).
- ↑ «Galtzagorri Elkartea» www.ibbygaltzagorri.eus jatorrizkotik artxibatua (artxibatze data: 2013-10-16) (Noiz kontsultatua: 2023-10-03).
- ↑ «ESTIBALITZ» estibalitz-jalon (Noiz kontsultatua: 2023-10-03).
Kanpo estekak
- (Gaztelaniaz) Estibalitz Jalón webgunea
- Estibalitz Jalón Galtzagorrin
Datuak: Q23907933