Fougères
Fougères | |||||||||||
---|---|---|---|---|---|---|---|---|---|---|---|
Frantziako udalerria | |||||||||||
![]() ![]() | |||||||||||
| |||||||||||
Administrazioa | |||||||||||
Estatu burujabe | ![]() | ||||||||||
Frantziaren banaketa administratiboa | ![]() | ||||||||||
Defense and Security zone of France | Q88521114 | ||||||||||
Eskualdea | ![]() | ||||||||||
Departamendua | ![]() | ||||||||||
Barruti | Fougèreseko barrutia | ||||||||||
Kantonamendu | canton of Fougères-Nord | ||||||||||
Alkatea | Louis Feuvrier (en) ![]() | ||||||||||
Izen ofiziala | Fougères | ||||||||||
Posta kodea | 35300 | ||||||||||
Geografia | |||||||||||
Koordenatuak | 48°21′06″N 1°12′00″W / 48.3517°N 1.2°W / 48.3517; -1.2 | ||||||||||
![]() | |||||||||||
![]() | |||||||||||
Azalera | [convert: invalid number] km² | ||||||||||
Altuera | 62 m eta 171 m | ||||||||||
Mugakideak | Laignelet, Beaucé, La Selle-en-Luitré, Javené eta Lécousse | ||||||||||
Demografia | |||||||||||
Biztanleria | 20.653 (2021eko urtarrilaren 1a)![]() | ||||||||||
| |||||||||||
Dentsitatea | Adierazpen errorea: Ustekabeko < eragilea bizt/km² | ||||||||||
Informazio gehigarria | |||||||||||
Ordu eremua | UTC+01:00 eta UTC+02:00 | ||||||||||
Hiri senidetuak | Bad Münstereifel, Ashford, Somoto, Ouargaye (en) ![]() ![]() | ||||||||||
fougeres.fr |
Fougères (galoz Foujerr, bretainieraz: Felger) Bretainiako ipar-ekialdean dagoen hiria da, Ille-eta-Vilaineko departamenduan eta Bro Roazhon lurralde historikoan. 2012ko erroldaren arabera 20.040 biztanle ditu, eta metropoliak (Pays de Fougères) 83.000 inguru. Hiria bertan dagoen Fougèresko gazteluagatik da ezaguna.
Historia
Aurkitu diren monumento megalitikoek erakusten dute Neolito garaian populatu zela eremua.
Fougèresko gaztelua X mendean aipatzen da lehen aldiz. Nançon ibaiaren gainean harkaitz batean estrategikoki kokaturiko egurrezko gotorleku txiki bat baino ez zen. Fougères erromatarren bi errepide luzeren arteko bidegurutzean zegoen eta inguruan bi auzo eratu ziren, Saint-Léonard goikaldean eta Saint-Sulpice behekaldean. Erdi Arotik artisautza nagusitu zen hirian, larrugintza eta ehungintza bereziki.
Bretainiako mugan egonik 1166an Henrike II.a Ingalaterrakoak erasotu eta gotorlekua suntsitu zuen. Raul II.a Bretainiakoak orduan gaztelu handi bat eraiki zuen. 1307an Filipe I.a Nafarroakoak Fougères erosi zuen baina interesik ez zuela eta bertan behera utzi zuen. Babesik gabe, hurrengo urteetan sarritan erasotua eta harpilatua izan zen eta fougèrestarrek bretainiako dukeei babesa eskatu zieten.
XVI mendean Bretainiak eta Frantziak bat egiterakoan hiriak mugaren babesle funtzioa galdu egin zuen, bai eta garrantzia ere. XIX mendean industriak artisautza ordezkatu zuen, eta beiragintza eta zapatagintza lantegiak ireki ziren. 1906-07 artean zapata lantegietako langileek greba gogorra egin zuten eta patroiek lockout ("itxiera patronala") batekin erantzun zuten. Une gogor horietan solidaritate handia izan zen langileekiko. Rennes eta Parisko familiek haurrak hartu zituzten eta mugimendu komunistak indar handia hartu zuen. Jean Jaurès bera ere etorri zen Fuougèresera laguntza eta babesa ematera.
Bigarren Mundu Gerran britainiar eta estatubatuarrek hiria bonbakatu zuten, 1944ko ekainaren 8an. 300 pertsona hil ziren eta industria gehiena suntsituta gelditu zen. Hurrengo hamarkadetan industria errekuperatu da, baina gaztelua erreferentzia hartuta turismoa izan da jarduera ekonomiko nagusia.
Ondarea
24 monumentu historiko ditu, honako hauek sira aipagarrienak:
- Saint-Léonard eliza (XV-XVII. mendea)
- Saint-Sulpice eliza: gotiko berantiarrekoa (XV-XVII. mendea), XIV. mendeko dorreak
- Udaletxea (XIV-XVI. mendea)
- Gaztelua (XII-XV. mendea): harresietan hamahiru dorre ditu.
- Marchix enparantza: alde zaharraren erdigunean dago, aintzina merkatua egin ohi zen lekua da. XVI mendeko etxeak ditu inguruan.
Ekonomia
Nekazari azoka. Oinetako industria, ehungintza, metalgintza, zerrategiak, beira langintza, brodatuak, doitasun mekanika.
Kirola
Frantziako Tourra birritan izan da bertan, 2013an etapa baten hasiera izan zen eta 2015ean etapa baten amaiera.
Ondasun nabarmenak
- Gazteluaren harresiak, Notre-Dame atea.
- Gaztelua hiriaren barneko muino batean.
- Gazteluko harresietako dorre bat.
- Kanpai dorrea.
- Udaletxea.
- Saint-Léonard eliza.
- Saint-Sulpice eliza.
- Viztor Hugo antzokia.
- Nançon ibaia.
Kanpo estekak
- (Frantsesez) Fougères/Foujerr/Felger hiriko webgune ofiziala
Datuak: Q4043
Multimedia: Fougères / Q4043
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.