Frai Bartolomeo
Frai Bartolomeo | |
---|---|
![]() ![]() | |
Bizitza | |
Jaiotza | Prato, 1472ko martxoaren 28a |
Herrialdea | ![]() |
Heriotza | Florentzia, 1517ko urriaren 31 (egutegi gregorianoa) (45 urte) |
Hezkuntza | |
Hizkuntzak | italiera |
Irakaslea(k) | Piero di Cosimo Cosimo Rosselli |
Ikaslea(k) | ikusi
|
Jarduerak | |
Jarduerak | margolaria eta marrazkilaria |
Lantokia(k) | Florentzia |
Lan nabarmenak | ikusi
|
Mugimendua | pizkundea |
Genero artistikoa | margolaritza erlijiosoa |
Sinesmenak eta ideologia | |
Erlijioa | Erromatar Eliza Katolikoa |
Erlijio-ordena | domingotar |
Frai Bartolomeo edo Bartolommeo della Porta (Savignano di Prato, 1472ko martxoaren 28a - Florentzia, 1517ko urriaren 6a), Baccio della Porta ere deitua, Pizkundeko italiar margolaria izan zen.
Bizitza
Cosimo Rosselliren ikaslea izan zen. Hasieran Il Perugino eta, batez ere, Leonardo da Vinciren eragina agertu zuen; gero, Michelangelorena eta Rafaelena. 1500ean Domingotar Ordenan sartu zen eta geroago, Girolamo Savonarolaren jarraitzaile baitzen, bere lehenagoko lan profanoak erre zituen. Bizitzaren parte gehiena Florentzian eman zuen, baina 1508an Veneziara eta 1514an Erromara egindako bidaietan teknika eta estilo berriak beretu zituen. Florentzian hil zen 1517an.
Estiloa
Haren margolanak Quattrocentotik Pizkunde beterako pausoa islatzen du. Bartolomeoren lanean ikuspuntuaren zentzua eta erliebearen bilakuntza ageri dira nabarmen, bere-berea den sfumato eta contraposto-aren erabilera efektistarekin batean. Lan gehienak Mariotto Albertinellirekin batera egin zituen, anagrama moldean biek batera izenpetzen zituztelarik.
Lanak
Lan nagusiak ditu Savonarolaren erretratua (1498 aldean, Museo nazionale di San Marco, Florentzia), Azken Judizioa freskoa (1499-1501, Museo nazionale di San Marco, Florentzia), Ama Birjinaren agerpena San Bernardori (1504-1507, Uffizi Galeria, Florentzia), Santa Katalinaren ezkontza mistikoa (1511, Louvre Museoa, Paris), Pala Corondolet (1512, Besançongo katedrala) eta Kristo lau ebanjelariekin (1516, Palazzo Pitti, Florentzia).
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2014-5-11 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q7780
Multimedia: Fra Bartolomeo / Q7780