Gogo Elebiduna
Gogo Elebiduna | |
---|---|
![]() | |
Datuak | |
Mota | ikertaldea |
Jarduera | |
Honen parte | Euskal Herriko Unibertsitatea |
Erabilitako hizkuntza | euskara |
webgune ofiziala |
Gogo Elebiduna ikertaldea Euskal Herriko Unibersitatean psikohizkuntzalaritzan lan egiten duen Eusko Jaurlaritzako Ikerketa talde egonkortua da. 2010. urtean sortu zen Gasteizko Letren Fakultateko I Eranskinean dagoen sotoan. Gaur egun, Micaela Portilla Ikergunean du egoitza. Taldea sortu zenetik Itziar Laka izan da taldearen zuzendaria.[1]
Ikergaiak
Hiztunen burmuinetan hizkuntza nola ikasten den (hizkuntzen jabekuntza), hizkuntza nola errepresentatzen den eta nola antolatzen den ikertzen ditu taldeak, beti ere psikohizkuntzalaritzaren barruan.[1]
Hizkuntz gaitasunaren ezaugarri orokorrak eta banako hizkuntzen arteko ezaugarri bereizleen errepresentazioa eta prozesamendua ikertzen ditu portaerazko teknika esperimental konduktualak (erreakzio-denbora), neurketa elektrofisiologikoak (ERP) eta begi-mugimenduen erregistroak erabiliz.[1]
Hor kokatuta, hauek dira taldearen ikergai nagusiak:[1]
- Hizkuntzen ikasketa eta prozesamendua. Bizi dugun errealitate linguistikoa aukera zientifiko bihurtuz, gure taldearen ikerketa-esparru nagusietako bat elebitasuna da. Hizkuntzen kontrol eta aldaketa mekanismoak aztertzen ditugu, lexikoaren eta sintaxiaren ikasketa-prozesuez arduratzen dira taldean eta pertsona elebidunek ezagutzen dituzten hizkuntzen aerteko koaktibazioaren efektuak bilatzen dituzte. Euskararen azterketa oinarri hartuta, hizkuntz jabekuntza adin eta maila ezberdina duten euskara/gaztelera/frantsesa/ingelesa elebidun eta eleaniztunen ekoizpena eta ulermena da taldearen ikerketaren xedea.
- Hizkuntzaren prozesamendua zahartzean. Gero eta ebidentzia zientifiko gehiagok erakusten du hizkuntzaren gaitasunak ez direla egonkor mantentzen helduaroan zehar. Hala ere, orain arte hizkuntzaren prozesamenduaren azterketa heldu gazteetan oinarritu da. Gizakiok hizkuntza nola prozesatzen dugun benetan ulertzeko, heldu gazte eta nagusiak aldi berean ikertzen ditugu, teknika esperimental berak erabiliz. Zenbait hizkuntza-gaitasunen gainbehera neuroendekapenezko gaixotasunen adierazle goiztiarra da. Tañldearen ikerketak, beraz, lagundu egingo du patologiaren gainbehera normala bereizten, hala nola argitzen ea —eta zer baldintzatan— elebitasunak gainbeheraren aurkako babes kognitiboa ematen ote duen.
- Hizkuntz aldakortasuna. Euskara hizkuntza indoeuropearretatik tipologikoki ezberdina da, ezezagunagoa eta gutxiago ikertua. Hori dela eta, taldearen beste xede nagusi bat euskararen azterketa eta deskribapena da, batez ere haren alde sinkronikoa eta lekuan lekuko aldakortasuna kontuan izanda.
Gogo Elebiduneko kideak
- Itziar Laka: Ikertzaile nagusia
- Miren Arantzeta: Ikertzaile doktorea
- Miren Azkarate: Ikertzaile katedraduna
- Ane Berro: Ikertzaile doktorea
- Irene de la Cruz-Pavía: Ikertzaile doktorea
- Kepa Erdozia: Ikertzaile doktorea
- Beatriz Fernandez: Ikertzaile doktorea
- Ane Odria: Ikertzaile doktorea
- Itziar San Martin: Ikertzaile doktorea
- Mikel Santesteban: Ikertzaile doktorea
- Adam Zawiszewski: Ikertzaile doktorea
- Svetlana Zimnukhova: Ikertzaile doktorea
- Victoria Cano: Doktoretza aurreko ikertzailea
- Marta de Pedis: Doktoretza aurreko ikertzailea
- Jürgen Etxeberria: Doktoretza aurreko ikertzailea
- Cecilia Fernández: Doktoretza aurreko ikertzailea
- Patricia Fuente: Doktoretza aurreko ikertzailea
- Beatriz Gómez: Doktoretza aurreko ikertzailea
- Noèlia Sanahuja: Doktoretza aurreko ikertzailea
- Marta Sanchez: Doktoretza aurreko ikertzailea
- Yolanda Acedo: Sistemen teknikaria
Erreferentziak
- ↑ a b c d https://www.ehu.eus/HEB/?lang=eu. (Noiz kontsultatua: 2022-11-18).
Ikus, gainera
- Micaela Portilla
Kanpo estekak
- Webgune ofiziala
Datuak: Q115265156