Híjar (ibaia)

Híjar Híjar (es)
Mota	lurpeko ibai eta ur-laster
Geografia
Koordenatuak	43°02′29″N 4°23′30″W / 43.041483°N 4.391544°W / 43.041483; -4.391544
Estatu burujabe	Espainia
Autonomia	Kantabria

Híjar ibaia (gaztelaniaz: Río Híjar) Espainiako ipar aldeko ibai motza da. Bereziki ezaguna da Ebro ibaiaren iturburu nagusia delako. Kantabriako Autonomi Erkidegoan barrena egiten du ibilbide osoa.

Híjar ibaia Alto Campooko zirkuan jaiotzen da Tresmares haitzeko ekialdeko aldea eta Cuchillóngo oinaren artean. Bere ur uhartsuek Gervalizas, Milago, Umbrañal eta Guares ibaien ekarpena jasotzen dute Riañoraino. Hortik aurrera ura zorupean iragazten hasten da, lur azpikoa bihurtuta, Reinosan Ebrorekin bat egiten duen arte. Dena den, lurpeko ur horiek urte osoan azaleratzen dira Fontibren, iturburu karstiko gisa. Horregatik, urtetan pentsatu izan da hortxe jaiotzen zela Ebro ibaia.

Reinosara ailegatu baino lehen, Híjarrek Entrambasaguas, Villar, Celada de los Calderones, Naveda, Espinilla, Paracuelles eta Villacantid zeharkatzen ditu, guztira 28 kilometroko ibilbidea eginez.

Artikulu hau Kantabriako geografiari buruzko zirriborroa da. Wikipedia lagun dezakezu edukia osatuz.