Joshua Cheptegei

Joshua Cheptegei
(2022) Irudi gehiago
Bizitza
Jaiotza	Kapchorwa District (en) , 1996ko irailaren 12a (27 urte)
Herrialdea	Uganda
Hezkuntza
Hizkuntzak	ingelesa
Jarduerak
Jarduerak	atleta
Atletismoa Kirol diziplinak 5.000 metroko lasterketa 10.000 metroko lasterketa Errekorrak Berezitasuna Irizpidea Data M 5000 metres world record progression (en) 2020ko abuztuaren 14a 755,36 men's 10,000 meters world record in track and field (en) 2020ko urriaren 7a 1.561 Marka pertsonalak Berezitasuna Lekua Data M
Parte-hartzailea athletics at the 2016 Summer Olympics – men's 5000 metres (en) (8.) athletics at the 2016 Summer Olympics – men's 10,000 metres (en) (6.) Atletismoa 2020ko Udako Olinpiar Jokoetan - Gizonezkoak 5.000 metro (1.) Atletismoa 2020ko Udako Olinpiar Jokoetan - Gizonezkoak 10.000 metro (2.)
Pisua	61 kilogramo
Altuera	179 zentimetro

Joshua Kiprui Cheptegei (Uganda; 1996ko irailaren 12a) Ugandako atleta da, munduko txapelduna 2019an 10.000 metroko lasterketan. 5000 metroko, 5 kilometroko eta 10.000 metroko lasterketetako munduko errekorrak ditu eta distantzia bietan txapeldun olinpikoa izan da.^[1][2]

Sebei etniako kidea da Cheptegei, Kenian kalenjin esaten zaien talde berekoa funtsean.^[3]

Londres 2017ko Munduko Kopan zilarrezko domina irabazi zuen 10.000 metrotan, urrea irabazi zuen Mo Farah britainiarraren ondoren eta brontzea eskuratu zuen Paul Tanui keniarraren aurretik.

Valentzia 2019ko Trinidad Alfonso maratoian, errepideko 10 km-ko munduko errekorra hautsi zuen 26:38ko denborarekin, Leonard Komon-en ordura arteko errekorra gaindituz.

Cros-countryko munduko txapeldun izendatu zuten 2019an Aarhus hirian (Danimarka), Jacob Kiplimo herrikidearen aurretik.

10 km-ko errekorra galdu eta gutxira, 2020ko otsailaren 16an errepideko 5 km-ko munduko errekorra hautsi zuen, Monakon egindako lasterketan. Urte bereko abuztuaren 14an, Monakon ere eta Diamond Leagueko lasterketa batean, 5000 metroko munduko errekorra hautsi zuen 12:35,36 denborarekin. Bi hilabete geroago, 2020ko urriaren 7an, 10.000 metroko munduko marka haustea lortu zuen 26:11.00 denbora berriarekin NN Valencia World Record Day lasterketan, horrela Kenenisa Bekele etiopiarraren aurreko errekorra hobetuz.

2020ko Udako Olinpiar Jokoetan bi domina lortu zituen: urrezkoa 5.000 metroko lasterketan^[1] eta zilarrezkoa 10.000 metrokoan^[4]. 2022an eta 2023an munduko txapelduna izan zen 10.000 metrotan eta 2024ko Parisko Olinpiar Jokoetan urrezko domina lortu zuen.^[2]

Olinpiar Jokoak
Urtea	Lekua	Domina	Proba
2020	Tokio  Japonia	01 !	5.000m
2020	Tokio  Japonia	02 !	10.000m
2024	Paris  Frantzia	01 !	10.000m
Munduko txapelketak
Urtea	Lekua	Domina	Proba
2017	Londres  Erresuma Batua	02 !	10.000 m
2019	Doha  Qatar	01 !	10.000 m
2022	Eugene  AEB	01 !	10.000 m
2023	Budapest  Hungaria	01 !	10.000 m
Commonwealth Jokoak
Urtea	Lekua	Domina	Proba
2018	Gold Coast  Australia	01 !	5.000 m
2018	Gold Coast  Australia	01 !	10.000 m

2017. urtean Juan Muguerza Nazioarteko Krosa irabazi zuen Elgoibarren.

• Datuak: Q17403005
• Multimedia: Joshua Kiprui Cheptegei / Q17403005