Kim Peek
Kim Peek | |
---|---|
![]() ![]() | |
Bizitza | |
Jaiotza | Salt Lake City, 1951ko azaroaren 11 |
Herrialdea | ![]() |
Heriotza | Murray, 2009ko abenduaren 19a (58 urte) |
Hobiratze lekua | Holladay Memorial Park (en) ![]() |
Heriotza modua | berezko heriotza: miokardio infartu akutua |
Familia | |
Aita | Fran Peek |
Jarduerak | |
Jarduerak | Mnemonista |
![]() ![]() ![]() |
![](http://upload.wikimedia.org/wikipedia/commons/2/2b/Kim_Peek%2C_diagnosed_with_Savant_syndrome.jpg)
Kim Peek (Salt Lake City, Utah, 1951ko azaroaren 11 – 2009ko abenduaren 19a) ospe handiko savant bat zen (52 bat savant daude bizirik, guk dakigunez), Dustin Hoffmanen pertsonaia inspiratu baitzuen Rain Man filman. Kimputer ezizenez ere ezaguna da.
Makrozefalia zuen jaiotzez, garuntxoaren gaitz egonkorra eta gorputz kailukararen agenesia. Ez dakigu bere oroimen harrigarriaren arrazoia hau izan daitekeen.
Kimen markak izugarriak dira:
- Irakurri dituen 12.000 liburuetatik % 98 gogoratzen zuen.
- Bi orrialde irakurtzen zituen 8 segundoan, begi bakoitzak orrialde bat hartzen baitzuen.
- Ordubetean liburu bat buruan izateko gai zen, datu historikoak, geografia, literatura eta abar barneraturik.
- 10.000 urteko egutegi zehatza zeukan buruan eta jaiotze data esanez gero, asteko eguna bazekien esaten.
- Kalkulu matematiko harrigarriak egiten zituen oso azkar.
Beste savant batzuek ez bezala, Kimek aurrerapen soziologiko galanta erakutsi zuen, ezezagunekin harremanetan jarriz eta bere frogaketak erakutsiz. Barry Morrow izan zen, Kim ezagutu ondoren, Rain Man filmaren gidoia idatzi zuena eta Barry Levinsonek eraman zuen pantailara: arrakasta ikusita, Kimek elkarrizketa bat egin zuen telebistako programa batean.
Wisconsingo Mediku Elkarteak hainbat ikerketa egin zizkion. Bere kabuz bizitzeko gaitasun eskasa zuen: ezin zituen alkandorako botoiak bere kasa lotu, gordetzen zituen datuak ez omen zituen benetan ulertzen, ez zezakeen poemarik interpreta edo libururik labur; hala ere, buruz zekizkien. Ez zen iaioa musikan, baina kanta bat entzun orduko, pianoz jotzeko edo segundo gutxi batzuen buruan autorea asmatzeko gai zen. Gehienok baino adimen-koziente baxuagoa zuen, baina datuak gordetzeko gaitasun berezia zuen era berean.
2004an NASAk ere ikertu zuen Kimen kasua, tomografiak eta erresonantzia magnetikoak eginez, ea bere burmuinaren egituran zerbait berezia aurkitzen zioten.
Kanpo estekak
Wikimedia Commonsen badira fitxategi gehiago, gai hau dutenak: Kim Peek ![]() |
- Kim Peeken heriotza El Mundon
- Kim Peeken heriotza El Paísen
- Kim Peeken aurkezpena Youtuben
- Kim Peek. Dokumentala Youtuben
Datuak: Q296790
Multimedia: Kim Peek / Q296790