Leptospira interrogans
Leptospira interrogans | |
---|---|
![]() ![]() | |
Sailkapen zientifikoa | |
Erreinua | Pseudomonadati |
Filuma | Spirochaetota |
Klasea | Spirochaetia |
Ordena | Leptospirales |
Familia | Leptospiraceae |
Generoa | Leptospira |
Espeziea | Leptospira interrogans Jhormita [[|]] |
Datu orokorrak | |
Gram tindaketa | bakterio gram-negatibo |
Leptospira interrogans Leptospira generoko bakterio patogenoa da, leptospirosia sortzen duena. Bere morfologia bereziari zor dio izena, mikroskopioz ikusita galdera-ikurra baten itxura baitu. Mugikorra da, dituen endo-flageloei esker, eta uretan bizi ohi da. Aerobio hertsia.
Laborategian ez da erraz hazten, hazkuntza-ingurune bereziak eta inkubazio-epe luzeak behar dituelako [1] [2].
200 seroaldaera inguru ditu patogeno honek [3].
Leptospirosia
Zoonosia da leptospirosia, animalietatik gizakiengana transmititzen den gaixotasun infekziosoa, alegia. Infektatutako animaliek gernuaren bitartez kanporatzen dute bakterio patogenoa. Gizakiak animaliekin duen kontaktu zuzenaren bidez edo animalien gernuak infektatzen dituen uretan sartzean (ibaiak, lakuak...) infekzioa harrapa dezake. Leptospira interrogans azalean dauden zauri edo pitzadura txikietatik sartzen da gorputzean, eta baita mukosetatik ere. Bakterioa mugikorra denez, odolera iristen da.
Infekzioa asintomatikoa da sarritan, baina kasu batzuetan gripearen antzeko sintomak eragiten ditu. Kasu gutxi batzuetan gaixoaren osasun-egoera nabarmen okertzen da, giltzurrunak, gibela eta nerbio-sistema kaltetzen direnean.
Gaitzaren diagnostikoa bakterioaren behaketa mikroskopikoarekin (eremu iluneko mikroskopioan), laborategiko kultiboarekin edo froga serologikoen bidez (antigorputzen titulua lau aldiz areagotzen denean) burutzen da..
Erreferentziak
- ↑ Black, Jacquelyn G. (2005) Microbiology: Principles and Explorations Hoboken, NJ: John Wiley & Sons. 583–584 orr.
- ↑ Forbes, B., Sahm, D., Weissfeld, A. : Diagnóstico Microbiológico Ed. Pan Americana 628 orr. ISBN: 950-06-0796-4
- ↑ Forbes, B., Sahm, D., Weissfeld, A. : Diagnóstico Microbiológico Ed. Pan Americana 627 orr. ISBN: 950-06-0796-4
Kanpo estekak
Datuak: Q143779
Multimedia: Leptospira interrogans / Q143779
Espezieak: Leptospira interrogans