Letea Basoa
Letea Basoa | |
---|---|
![]() | |
Datu orokorrak | |
Mota | naturagune babestua |
Azalera | 5.246 km² |
Geografia | |
![]() | |
Koordenatuak | 45°17′10″N 29°31′26″E / 45.2861°N 29.524°E / 45.2861; 29.524 |
Letea basoa Errumaniako erreserba natural zaharrena da. 1938an sortu zen, Errumaniako Ministroen Kontseiluak natura erreserba izendatzeko erabakia onartu zuenean.
Basoa Danubioren deltan dago, Sulina eta Chilia adarren artean. 2,825 ha inguruko azalera du (28.25 km2 edo 6,980 akre).
Baso hori izan zen Danubioko Delta Biosfera Erreserbaren hasierako oinarria, zein Gizateriaren Ondare izendatu baitute. 1992an Biosferaren Erreserba izendatu zuten nazioartean, UNESCOren Gizakia eta Biosfera Programaren esparruan.[1]
Itxura subtropikala du, Periploca graeca izeneko landarea hazten delako. Landare mediterranear honek Danubioko Deltan aurkitzen du bere aterperik iparraldekoena. Horrekin batera, liana motak eta beste landare igokari batzuk zuhaitzen adarretan ehuntzen dira, hala nola basamahatsondoa, lupulu arrunta eta huntza.[1][2]
Letea Basoa, batez ere, makal zuria, makal beltza, zumarra, haritz kankuduna, ezki ilauntsua, lizar hostotxikia eta haltz beltza bezalako zuhaitzez osatuta dago. Aurrekoekin batera, mulu edo zuhaizka txikien espezieen aniztasun handiak osatzen du basoa. [2]
Fauna aberatsa ere badu: belatz hankagorria, arrano beltza, arrabola, amua, orsini sugegorria eta Danubioren deltako ponia. Erreserban gutxi gorabehera 1.600 intsektu-espezie daude identifikatuta.[2]
Erreferentziak
- ↑ a b UNEP-WCMC Protected Areas Programme - Danube Delta Biosphere Reserve.
- ↑ a b c Danube Delta Biosphere Reserve - General Presentation.
Kanpo estekak
Datuak: Q6533204
Multimedia: Letea, Tulcea / Q6533204