Lonicera japonica
Lonicera japonica | |
---|---|
![]() ![]() | |
Sailkapen zientifikoa | |
Erreinua | Plantae |
Ordena | Dipsacales |
Familia | Caprifoliaceae |
Generoa | Lonicera |
Espeziea | Lonicera japonica Thunberg, 1784 |
Datu orokorrak | |
Gizakiak ateratzen dizkion produktuak | Lonicerae Folium Cum Caulis (en) ![]() |
Lonicera japonica atxaparren generoko espezie bat da, Caprifoliaceae familiakoa. Ekialde Urrunean du jatorria baina landare apaingarri gisa Ipar Amerikan eta Europan ere landatzen da eta hainbat herrialdetan landare inbaditzaile kontsideratzen da gaur egun.
Deskribapena
Landare igokaria da eta zuhaitzetan 10 metrotik gora igo daiteke[1]. Hosto obalatu sinpleak ditu, 3-8 cm luze eta 2-3 cm zabal direnak. Adar gazteak gorrixkak dira, zaharrak aldiz marroiak dira, barrutik hutsak eta azala zatitu egiten zaie[2].
Landarearen elementu ikusgarrienak loreak dira. Erabat irekitako bi ezpain dituzte, 2-5,5 cm arteko tamainakoak. Oinaldean 0,5-1,5 cm arteko braktea bakarra dute[3]. Irekitzen direnean zuriak dira eta ondoren horitu egiten dira eta bainila usaina dute. Udazkenean fruitua sortzen dute, 3-4 mm-ko diametrodun baia esferiko beltza, barnean haziak dituena[4].
Erabilera
Txinatar medikuntza tradizionalean erabiltzen da, bakterioen eta inflamazioen kontrako propietateak dituelako.Loreak kontsumitzeko arazorik ez dago baina bestelako atalak toxikoak izan daitezke[5].
Euskal Herrian landare apaingarri gisa erabiltzen da landare-hesiak osatzeko. Erraz hedatzen da eta aspladitik basaturik dago[3].
Iruditegia
- Lore zuriak (ireki berriak) eta horiak.
- Hostoak.
- Baia beltzak.
Erreferentziak
- ↑ (Ingelesez) Watts, D. C.. (2007-05-02). Dictionary of Plant Lore. Elsevier ISBN 978-0-08-054602-5. (Noiz kontsultatua: 2024-07-05).
- ↑ «| Center for Aquatic and Invasive Plants | University of Florida, IFAS» plants.ifas.ufl.edu (Noiz kontsultatua: 2024-07-05).
- ↑ a b «Lonicera japonica | Euskal-Herria.Org» www.euskal-herria.org (Noiz kontsultatua: 2024-07-05).
- ↑ «browse Flora of Taiwan» web.archive.org 2006-07-18 (Noiz kontsultatua: 2024-07-05).
- ↑ «Lonicera japonica (Chinese Honeysuckle, Gold-and-silver Honeysuckle, Hall's Honeysuckle, Honeysuckle, Japanese Honeysuckle) | North Carolina Extension Gardener Plant Toolbox» plants.ces.ncsu.edu (Noiz kontsultatua: 2024-07-05).
Kanpo estekak
Datuak: Q161083
Multimedia: Lonicera japonica / Q161083
Espezieak: Lonicera japonica