Manolo Legina
Manolo Legina | |
---|---|
![]() | |
Bizitza | |
Jaiotza | Begoña, 1925 |
Herrialdea | ![]() |
Heriotza | 2020ko azaroaren 16a (94/95 urte) |
Hezkuntza | |
Hizkuntzak | euskara gaztelania |
Jarduerak | |
Jarduerak | musikaria |
Manolo Legina (Begoña, Bilbo, 1925 – 2020ko azaroaren 16a) bizkaitar musikaria izan zen. Trikitilaria zen, Begoñako inguruetan, Karrantzan eta Ipar Euskal Herrian hainbat eta hainbat erromeria alaitu zituena.
Bizitza
Arbolantxa auzoko Atxetas baserrian jaio zen, 2017an oraindik ere Bilboko baserri gune bakarrenetarikoa den lekuan, baita tokiko euskara gorde den txokoetako batean.[1]
Ia eskolara joan barik (sei hilabetez egon zen, osta-osta irakurtzen eta idazten ikasteko), gazte gaztea zela 16 edo 17 urterekin "belarriz" ikasi zuen trikitixa jotzen. Etxeko lau anaiak musikari bilakatu ziren. Artxandako Gillermin pandero-jolearekin eta hainbatetan Txilibrin eta Leon Bilbao albokariekin edota Maurizia Aldeiturriaga abeslari ospetsuarekin ere aritu izan da. Espainiako telebistan jo zuen behin batean Txilibrin, Artxanda eta Boni txistulariarekin.[2]
Bilbo inguruko zahar etxeetara musika eta bestelako ikuskizunak eramaten dituen Caravana de la Alegria taldearen hastapenetan egon zen, 1952. urtean, eta, 2017an, 92 urterekin oraindik ere hantxe ibili zen, trikitia jotzen ez baina bai panderoa eta kanaberak jotzen.
![](http://upload.wikimedia.org/wikipedia/commons/thumb/2/28/Manolo_Legina_eta_Artxanda_Trikitilariak.jpg/300px-Manolo_Legina_eta_Artxanda_Trikitilariak.jpg)
Bilboko jatorrizko euskaraz hitz egiten zuen hiztun apurretako bat zen 2017an. Hizkuntzalari batzuk ibili izan ziren auzoz auzo hizkera hori aztertu nahian, Iñaki Gaminde esaterako, eta Manolo Legina izan zen elkarrizketatuetako bat.
Erreferentziak
Datuak: Q28946850