Michael Gross
Michael Gross | |
---|---|
![]() (2014) ![]() | |
Bizitza | |
Jaiotzako izen-deiturak | Michael Groß |
Jaiotza | Frankfurt am Main, 1964ko ekainaren 17a (60 urte) |
Herrialdea | ![]() ![]() |
Hezkuntza | |
Hizkuntzak | alemana |
Jarduerak | |
Jarduerak | igerilaria |
Parte-hartzailea
| |
Pisua | 87 kilogramo |
Altuera | 201 zentimetro |
Lantokia(k) | Frankfurt am Main |
Jasotako sariak | ikusi
|
![]() ![]() ![]() |
Michael Gross (Frankfurt, Alemania, 1964ko ekainaren 17a -) alemaniar igerilaria da.
Tximeleta-probetan inoiz izan den igerilaririk hoberena da, eta historiako sarituenetako bat.
Biografia
Gizon garaia eta indartsua, beso-luzera handikoa. Albatros deitzen zioten, haren igeri egiteko moduak itsas hegazti horren mugimenduak antzeratzen zituelako. 1980an, Moskuko Olinpiar Jokoetan parte hartu behar zuen, baina ezin izan zuen joan, Alemaniako Errepublika Federalak, Estatu Batuen erabakiarekin bat eginez, boikota egin zielako jokoei, sobietarrek Afganistan inbaditu izanaren aurka protestatzeko. Harrezkero, baina, igeriketaren historiako karrera distiratsuenetako bat osatu zuen Grossek: Munduko Txapelketetan, Guayaquilen (1982), urrezko bi domina lortu zituen; Madrilen (1986), urrezko bi eta zilarrezko beste bi; eta Perthn (1991), urrezko bat, zilarrezko hiru eta brontzezko bat; Olinpiar Jokoetan, Los Angelesen, urrezko bi eta zilarrezko bi; eta Seulen, urrezko bat eta brontzezko bat. Europako txapelketetan jaun eta jabe izan zen urte askoan. 1985ean, adibidez, Sofian, urrezko sei domina lortu zituen. Igerilari-karreran, hamaika aldiz hautsi zuen munduko errekorra igeriketa estilo desberdinetan (200 metro libretan, eta 100 eta 200 metro tximeletan, besteak beste).
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q57404
Multimedia: Michael Gross (swimmer) / Q57404