Ny Carlsberg Glyptotek
Ny Carlsberg Glyptotek | |
---|---|
![]() ![]() | |
![]() | |
Kokapena | |
Estatu burujabe | ![]() |
Estatu | ![]() |
Eskualdea | Hovedstaden |
Udalerria | Copenhagen Municipality |
Arkitektura | |
Deskribapena | |
Irekitze data | 1897 |
Webgunea | http://www.glyptoteket.dk/ www.glyptoteket.dk |
Ny Carlsberg Glyptotek, Danimarkako hiriburu den Kopenhageko Dantes Plads plazako 7. zenbakian kokatua dagoen museo bat da. 1882an Carl Jacobsenek (1842-1914), Carlsberg garagardo marka ospetsuaren sortzailea izan zen Jacob Christian Jacobsenek fundatutako bilduma pribatu bat da, bere izena, aipaturiko garagardo markatik hartzen duena.
Historia
Carl Jacobsen, Jacob Christian Jacobsen garagardogile eta filantropoaren semea, arte bildumatzaile handia zen eta 1882an bere etxearen ateak publikoari ireki zizkion. Antzinako artearen zalea zen, baina daniar eta frantziar margolan ugari ere bazituen. 1888an bere arte bilduma Danimarkako estatuari eta Kopenagheko Udalari eman zien.
Bere etxearen kokapena ordea ez zuen atsegin, izan ere hiriaren erdigunetik urruti samar zegoela zeritzon, eta gainera hiriko harresiak bota zirenean Tivolitik oso gertu gelditzen zen. Horregatik eraikin berria egitea erabaki zuen, gaur egungoa, eta 1897ko maiatzaren 1ean inauguratu zuen.
Eraikinak 1906an eta 1996an zabalkuntza berriak izan zituen.
Arkitektura
Hiru zati ditu museoak:
- Dahlerup: Museoaren zatirik zaharrena da, adreilu gorriz veneziar pizkundeko estilora egina. Bertan daude frantziar eta daniar artelanak.
- Kampmann: Eraikin neoklasikoa. Bertako galeriatan irakurketak, kontzertuak eta sinposiak egiten dira.
- Henning Larsen: Barneko patioa osatzen du. Bertan egiten dira bilkura eta jatordu garrantzitsuak.
Bildumak
Museoak, eskultura eta antzinako gauza greziar, erromatar, etruriar, egiptoar eta Ekialde Hurbilekoak ditu. Arte modernoari dagokionez, beste batzuen artean, Paul Gauguin, Edgar Degas, Jean-François Millet, Henri de Toulouse-Lautrec, Auguste Rodin, Alfred Sisley eta Camille Pissarroren lanak erakusten dira.
Iruditegia
- Glyptotekaren sarrera nagusia.
- Glyptotekaren atzealdea.
- Glyptoteka barneko lorategiak.
- Erromatar eskulturen gela.
Kanpo estekak
- (Danieraz)(Ingelesez) Glyptoteket
Datuak: Q1140507
Multimedia: Ny Carlsberg Glyptotek / Q1140507