Ondarroa Arraun Elkartea
Ondarroa Arraun Elkartea | |
---|---|
Sorrera | C.D. Aurrera (1921) Ondarroa A.E. (1973) |
Herria | ![]() |
Lehendakaria | ![]() |
Entrenatzailea | ![]() |
Patroia(k) | ![]() ![]() |
Kolorea(k) | gorria eta urdina |
Trainerua | Antiguako Ama |
Palmaresa | 2 Kontxako Bandera 0 TKE Liga 1 KAE Liga 0 Espainiako Txapelketa 0 Euskadiko Txapelketa 3 Bizkaiko Txapelketa |
2023: Kontxa | 8.a |
2023: Liga | 10.a (TKE Liga) |
2024 | TKE Liga |
Webgunea | facebook.com |
![](http://upload.wikimedia.org/wikipedia/commons/thumb/c/ce/Kontxako_banderarako_sailkapena_07_03.jpg/270px-Kontxako_banderarako_sailkapena_07_03.jpg)
Ondarroa Arraun Elkartea Ondarroako arraun taldea da. 1921ean Club Deportivo Aurrera sortu zen[1] eta 1973an gaur egungo kluba.
XIX. mendearen amaieran estropada eta desafio handiak jokatu zituzten ondarrutarrek eta 1898an eta 1926an Kontxako Bandera bana irabazi zuten[2].
57 urtetako hutsunearen ondoren 1983an uretaratu zen berriz Ondarroako traineru bat. 1990. hamarkadan traineru indartsua osatu zuen eta hirutan sailkatu zen Kontxako Banderara. Posturik onena bosgarrena izan zuen. Ligak sortu zirenean KAE Ligan aritu zen, baina 2016an igoera lortu[3] eta ordutik TKE Ligako trainerua izan da.
Emakumezkoen trainerua ere badu ETE Ligan eta bi aldiz izan da Bizkaiko txapelduna.
Koloreak
Ondarrutarrek Aurrera K.E.-ren koloreak hartu zituzten, gorria eta urdina. Ondarroaren trainerua zuria da eta "Antiguako Ama" izena du.
Historia
XIX mendeko banderak
Ondarroa itsas-herria denez, antzinakoak dira arraun munduan izandako balentriak. Adibidez, 1865ean Bilbon emandako bandera egun Ondarroako Arrantzaleen Kofradian dago, bai eta Donostian irabazitako beste bandera bat ere. Aipatzea merezi du Kontxako Banderaren lehen edizioan Ondarroak parte hartu zuela Donostia eta Orioren atzetik hirugarren gelditu zelarik. XIX mendeko Bilboko bandera zaharretan beti hartu izan zuten parte Ondarroako traineruak eta 1887an txapeldun izan zen[4]. 1888an Bilbon jokaturiko estropadetan Bermeoko bi traineruren atzetik egin ondoren sanjuandarrek desafiua bota eta Getaria eta Donostia arteko ibilbidean ondarrutarrak izan ziren nagusi 15 segundotako alde txikiaz. Bilboko egunkari batek 'Kantauriko garaitezinak' izendatu zituen ondarrutarrak eta donostiarrek hori ezin onartu eta desafio berria jo zieten ondarrutarrei. 1890ko abenduaren 2an Donostia - Ondarroa traineru desafioa jokatu zuten eta donostiarrak nagusitu ziren[5].
1897an Bilbon Bermeotarrekin desafioa galduta 1898an Kontxako Banderan hartu zuen parte eta Donostiarrekin jokaturiko finalean ondarrutarrak izan ziren nagusi Manuel Beitia patroi zela Flora traineruan. Garai honetako azkenengo garaipena 1902koa da Bilbon gertatua.
20. hamarkada: Club Deportivo Aurrera
![](http://upload.wikimedia.org/wikipedia/commons/thumb/e/e8/La_trainera_%27Ondarroa_I%27_en_la_bah%C3%ADa_de_la_Concha_%281_de_1%29_-_Fondo_Car-Kutxa_Fototeka.jpg/270px-La_trainera_%27Ondarroa_I%27_en_la_bah%C3%ADa_de_la_Concha_%281_de_1%29_-_Fondo_Car-Kutxa_Fototeka.jpg)
1921ean fundaturiko Club Deportivo Aurrera gaur egun futbolean eta saskibaloian aritzen bada ere, 1925 eta 1926an bi estropada handi irabazi zituen Portugaleten, Erregearen Kopa eskuratu zuelarik. Arrakasta honekin animatuta Donostiara jo eta Kontxako Bandera herrira ekarri zuten. Juan bautista Beitia zen patroia eta Antiguako Ama traineruaren izena[6].
Ondarroa Arraun Elkartea
Ondarroa Arraun Elkartea 1973an sortu zen eta hasierako hamarkadan batel eta trainerilletan aritu zen. 1974an esate baterako Bizkaiko txapeldunak izan ziren ondarrutarrak txalupa bietan.
Ondarroako traineru bat uretan berriz ikusteko ordea 57 urte pasatu behar izan ziren 1926 hartatik. 1983an izan zen Getxoko Ikurriñean. 1993an lehenengo garaipena, Lekeitioko San Antolin jaietan eta bolada on bati hasiera eman zion elkarteak, traineru bizkaitarrik onena bihurtuz Urdaibairen sorrera arte. 1994ean Asier Lopez donostiarra fitxatu zuen patroi eta bost garaipen lortu zituen, tartean Bizkaiko Txapelketa, eta gainera Kontxako Banderarako sailkatu zen. 1995ean Kontxan eta Euskal Ligan bosgarren eta hiru garaipen, Bizkaiko txapelketan "sorpresaz" Santurtziren atzetik gelditu zen arren. 1996an laugarren Euskal Ligan, Bizkaiko Txapeldun eta seigarren Kontxan, bere orain arteko azkenengo sailkapenean. 1997an Traineruen Euskal Ligan ez aritzea erabaki zuen eta sortu berri zen Traineru bizkaitarren Liga irabazi zuen, bi estropadatan gailendu zelarik. Bizkaiko Txapelketa ere irabazi zuen.
1998an arraunlari eskasia zela eta ez zuen trainerurik atera eta 1999an bizkaitarren ligan aritzea baino nahiago izan zuen Euskal Ligan aritu. Hala ere ez zuen maila onik erakutsi, laugarren izan baitzen Euskal B Ligan. ordutik aurrera emaitza kaxkarrak, eta TKE Liga sortu zenetik ere berdin, ez baita inoiz goiko mailan aritu.
Ligak
2006tik aurrera KAE Ligan ari da arraunean eta urtetik urtera maila igotzen ari da; 2013an KAE 1 mailan seigarren gelditu zen, 2014an laugarren eta 2015ean hirugarren postuan bukatu zuen liga. 2016an denboraldi bikaina burutu zuen; KAE 1 Liga irabazi zuen eta play-offetan TKE Ligara igo zen[3].
TKE Ligako lehenengo denboraldian bigarren txandan egonkortu eta zortzigarrena izan zen Ligan. 2018an ere bigarren txandan ari da eta Euskadiko Txapelketan hirugarren postua eskuratu zuen. Kontxako Banderarako ordea ez zuen sailkatzerik lortu, bi segundugaitik izan bazen ere. 2019 denboraldian erdiko txandan aritu zen eta 23 urteren ondoren Kontxako Bandera jokatzeko sailkatu zen, nola sailkatu ere, sailkapen estropada irabaziz. Ez du ordea zorteko estropada izan, 2018, 2020 eta 2021ean zortzigarren egin baitzuen sailkatze estropadan, eta ondorioz ez baitzen sailkatu.
2022ko TKE Ligan 9. postuan amaitu zuen baina bosgarrenez Kontxako Bandera jokatzeko sailkatzea lortu zuen[7]. 2023an arazo handirik gabe lortu zuen TKE Ligan mantentzea eta bigarrenez jarraian sailkatu zen Kontxako Bandera jokatzeko[8]. Bigarren jardunaldian ordea deskalifikatu egin zuten traineruaren osaketaren dokumentua epez kanpo entregatzeagatik[9].
Palmaresa
- Txapelduna (2): 1898 eta 1926.
- Bigarrena (0)
- Hirugarrena (1): 1879.
- Sailkapen estropadako irabazlea (1): 2019.
- Sailkatua (6): 1994, 1995, 1996, 2019, 2022 eta 2023.
- Txapelduna (0)
- Bigarrena (0)
- Hirugarrena (0)
- Zazpigarrena (1): 2019an.
- Irabazitako estropadak (2022 barne): 2
- Parte hartzeak (6): 2017, 2018, 2019, 2020, 2021, 2022
- KAE 1 maila (1): 2016.
- Euskal Liga (0): Laugarren 1996an.
- Traineru bizkaitarren Liga (1): 1997.
- hirugarrena 2018an.
- Txapelduna (3): 1994, 1996 eta 1997.
Estropada zaharrak
- Bilboko estropada zaharrak (5): 1865, 1887, 1902, 1925 eta 1926.
- Donostia (1): 1865.
Aro modernoko estropadak
Trainerillak
- Bizkaiko Trainerilla Txapelketa (4): 1974, 1994, 1995 eta 1996
- Bermeoko trainerilla estropadak (1): 1974
Batelak
- Bizkaiko Batel Txapelketa (2): 1974, 1994, 2014
Azken denboraldiak
![](http://upload.wikimedia.org/wikipedia/commons/thumb/1/1a/Ondarroa_2018ko_Kontxako_sailkapen_estropadan.jpg/300px-Ondarroa_2018ko_Kontxako_sailkapen_estropadan.jpg)
Urtea | Liga | Kontxa |
---|---|---|
2003 | Federazio Liga, 14.a | - |
2004 | Federazio Liga, 9.a | - |
2005 | Federazio Liga, 7.a | - |
2006 | KAE 1 Liga, 5.a | - |
2007 | KAE 1 Liga, 7.a | - |
2008 | KAE 1 Liga, 6.a | - |
2009 | KAE 1 Liga, 11.a | - |
2010 | KAE 2 Liga, 5.a | - |
2011 | KAE 2 Liga, 3.a | - |
2012 | KAE 1 Liga, 9.a | - |
2013 | KAE 1 Liga, 6.a | - |
2014 | KAE 1 Liga, 4.a | - |
2015 | KAE 1 Liga, 3.a | - |
2016 | KAE 1 Liga, 1.a | - |
2017 | TKE Liga, 8.a | - |
2018 | TKE Liga, 8.a | - |
2019 | TKE Liga, 7.a | 7.a |
2020 | TKE Liga, 9.a | - |
2021 | TKE Liga, 7.a | - |
2022 | TKE Liga, 9.a | 8.a |
2023 | TKE Liga, 10.a | 8.a |
Emakumezkoen trainerua
Ondarroa Arraun Elkartea | |
---|---|
Herria | Ondarroa |
Entrenatzailea | ![]() |
Patroia(k) | ![]() |
Kolorea(k) | gorria eta urdina |
Trainerua | Antiguako Ama |
Palmaresa | 0 Kontxako Bandera 0 Euskotren Liga 0 ETE Liga 0 Euskadiko Txapelketa 2 Bizkaiko Txapelketa |
2023: Kontxa | ez |
2024 | 7.a (ETE Liga) |
![](http://upload.wikimedia.org/wikipedia/commons/thumb/3/3d/Ondarroako_emakumezkoen_trainerua_2024.jpg/270px-Ondarroako_emakumezkoen_trainerua_2024.jpg)
![](http://upload.wikimedia.org/wikipedia/commons/thumb/0/0a/Lea_Artibai_2018ko_Kontxako_sailkapen_estropadan.jpg/270px-Lea_Artibai_2018ko_Kontxako_sailkapen_estropadan.jpg)
2017 urtean emakumezkoen trainerua atera zuen, Lea-Artibai izenarekin[10]. Isuntzako 9 arraunlarik, Ondarroako 9k eta Elantxobeko beste 4 arraunlarik bat egin zuten taldea osatzeko. 2018an formatua errepikatu zuten eta Bizkaiko txapelketan brontzezko domina lortu zuten.
2019an Isuntza eta Ondarroa gai izan ziren traineru bana ateratzeko eta ordutik aurrera horrela jarraitu dute. Ondarroak 2020an aurreneko garaipenak lortu zituen, Bizkaiko txapelketa[11] eta ETE Ligako azken bandera, Castro Urdialeskoa. Kontxako Banderara sartzear ere egon ziren baina 8. postuan gelditu ziren sailkapen estropadan. 2021ean aurredenboraldiko bi jaitsiera irabazi zituen eta 2022an berriz izan zen Bizkaiko txapelduna[12].
- Bizkaiko txapelketa (2): 2020, 2022.
- Castro Urdialesko Bandera (1): 2020.
- Zorrozaurre uhartearen itzulia (1): 2021.
- Portugaleteko traineru jaitsiera (1): 2021.
Denboraldiak
Urtea | Liga | Kontxa |
---|---|---|
2017* | Gipuzkoako Liga, 9.a | - |
2018* | ETE Liga, 7.a | - |
2019 | ETE Liga, 9.a | - |
2020 | ETE Liga, 4.a | - |
2021 | ETE Liga, 6.a | - |
2022 | ETE Liga, 5.a | - |
2023 | ETE Liga, 6.a | - |
2024 | ETE Liga, 7.a |
- 2017an eta 2018an Lea-Artibai izan zen.
Trainerillak
- Bizkaiko Txapelketa (2): 2022, 2024.
Antolaturiko estropadak
Urtero bi estropada antolatzen ditu: Ondarroako Bandera, Ligarako baliagarria dena, eta Antiguako Ama estropada, aurredenboraldikoa.
Erreferentziak
- ↑ «AURRERA ONDARROA (Primer equipo) : Club Deportivo Aurrera de Ondarroa» www.aupaathletic.com (Noiz kontsultatua: 2024-05-26).
- ↑ «Arraun Ikasi Kontxa» www.arraunikasi.com (Noiz kontsultatua: 2024-05-26).
- ↑ a b «Ondarroa eta Ares San Miguel Ligara igo dira» EITB (Noiz kontsultatua: 2024-05-26).
- ↑ Txantiloi:Es-US «Palmaresa» Ondarroa Arraun Elkartea (Noiz kontsultatua: 2024-05-26).
- ↑ (Gaztelaniaz) Álvarez, Juan Carlos. (2017-01-02). «La Invencible del Cantábrico» La Opinión de Málaga (Noiz kontsultatua: 2024-05-26).
- ↑ Mareometro. (martes, 13 de septiembre de 2011). «El Mareometro Blog: HISTORIA DEL REMO EN PORTUGALETE: 1926 PARTICIPACION POR PRIMERA VEZ EN LA CONCHA» El Mareometro Blog (Noiz kontsultatua: 2024-05-26).
- ↑ «Hondarribia, Zierbena, Orio, Getaria, Urdaibai, Kaiku eta Ondarroa sailkatu dira Kontxako Bandera jokatzeko» EITB 2022-08-31 (Noiz kontsultatua: 2024-05-26).
- ↑ SA, Baigorri Argitaletxea. (2023-08-31). «Gozoa dastatu du Ondarroak; gazia, ordea, Lekittarrak eta Kaikuk» GARA (Noiz kontsultatua: 2024-05-26).
- ↑ (Gaztelaniaz) Martín, Juan Pablo. (2023-09-10). «Ondarroa fuera de la segunda jornada de La Concha» El Correo (Noiz kontsultatua: 2024-05-26).
- ↑ Torner, Jon. (2017-06-09). «Emakumezkoen arraunean "gauza asko" dago finkatzeko» Slump doktorearen zaintiratua (Noiz kontsultatua: 2024-05-26).
- ↑ Asier, Alkorta(e)ko. (2020-07-15). «Ondarroako emakume taldeak nagusitasun osoagaz irabazi du Bizkaiko traineru txapelketa» Lea-Artibai eta Mutrikuko Hitza (Noiz kontsultatua: 2024-05-26).
- ↑ Mikel, Reina(e)ko. (2022-06-13). «Ondarroa Bizkaiko txapeldun izendatu da, Lekeition» Lea-Artibai eta Mutrikuko Hitza (Noiz kontsultatua: 2024-05-26).
Bibliografia
- ZUBIKARAI, Augustin (1987): Treiñeru estropadak. Ondarroa'ko talaitik (1865-1970). Bilbo.
Kanpo estekak
Datuak: Q2836740
Multimedia: Ondarroa Arraun Elkartea / Q2836740
![]() | 2024ko TKE ligako taldeak | ![]() |
---|---|---|
Bermeo Urdaibai • Bueu • Cabo da Cruz • Donostiarra • Getaria • Hondarribia • Kaiku • Lekittarra • Ondarroa • Orio • San Pedro • Zierbena |