Oreka Tx
Oreka Tx | |
---|---|
![]() | |
Datuak | |
Jatorria | Euskal Herria |
Musika mota | Folk Roots |
Urteak | 1997 - Gaur egun |
Produkzioa | |
Diskoetxea(k) | Elkar, Txalapart |
Taldekideak | |
Harkaitz Martínez de San Vicente Mikel Ugarte Mixel Ducau Iñigo Egia Juanjo Otxandorena | |
Lehengo taldekideak | |
Igor Otxoa | |
Informazio gehigarria | |
http://orekatx.com/ | |
![]() ![]() ![]() |
Oreka Tx txalaparta taldea da, 1997an Harkaitz Martínez eta Igor Otxoa musikariek sortutakoa. Urte horretan Kepa Junkeraren bandan sartu ziren eta ordutik eszenatokia artista ugariekin partekatu dute, beste batzuen artean; Carlos Nuñez, La Bottine Souriante, Aziza Brahim, Taraf de Haidouks, Dulce Pontes, Phil Cunningham, Manu Dibango edo Pat Metheny adibidez. 2006ean Oreka TXek Nömadak TX egitasmo zabala aurkezten du.
Honen barne 20 jaialditan saritutako filma dokumentala, disko bat eta bi zuzeneko daude: Karpa Nömada eta Nömadak TX Zuzenean. Azken hau munduan zehar eskaini dute World Music-eko jaialdi nagusienetan.
Ordutik hainbat egitasmo garatu dituzte, haien izaera berritzaile eta uztartzailea medio. Horien artean dantza, musika eta kantua batzen dituen bi ikuskizun azpimarratuko ditugu: euskal kultura tradizionala gaurkotua agertzen digun Hostoak eta herri kirolen inguruko ikuspegi artistiko bat eskaintzen duen Herritmo.
SILEX haien azken diskoa azken urteetan sortutako kantak batzen ditu eta harriaren sonoritatea du ardatz. Kalakan hirukotea, Alos Quartet soka laukotea eta We Are Standard taldearen kolaborazioak aurki daitezke bertan eta euskarazko disko onenaren saria jaso du UFIren Musika Independentearen Sarietan.
Diskografia
- Quercus Endorphina (Elkar, 2001).
- Nomadak Tx (Txalapart DVD, 2006).
- Silex (Txalapart, 2013).
- Koklea (Txalapart, 2019).[1]
Taldekideak
2013an kaleratutako "Silex" laneko partaideak:
- Harkaitz Martinez de San Vicente eta Mikel Ugarte - harrizko txalaparta, egurrezko txalaparta, pitak, tututofonoa, kanaberak, tokoia
- Mixel Ducau - alboka, albokotea, saxofoia, klarinetea
- Iñigo Egia - tabla indiarra, kajoia, kalabazak, bendhirra, tara, platerak, bodhrama, hang-a
- Juanjo Otxandorena - bouzoukia, baxua
Erreferentziak
- ↑ «Oreka TX taldeak laugarren diskoa, ‘Koklea’, kaleratu du» naiz: 2019-11-28 (Noiz kontsultatua: 2021-04-12).
Ikus, gainera
- Euskal Musika tradizionala
- Folk musika
Kanpo estekak
- (Gaztelaniaz)(Ingelesez)Oreka tx taldearen webgune ez ofiziala
- "Nomadak Tx" dokumentalaren webgunea
- Harkaitz Martinez de San Vicente eta Igor Otxoa: "Musika hizkuntza unibertsala dela gezur hutsa da"
Datuak: Q12265236