Oroklini
Oroklini Ορόκλινη | |||||||||||
---|---|---|---|---|---|---|---|---|---|---|---|
community of Cyprus Republic (en) ![]() | |||||||||||
![]() ![]() | |||||||||||
Administrazioa | |||||||||||
Estatu burujabe | ![]() | ||||||||||
Zipreren banaketa administratiboa | Larnakako barrutia | ||||||||||
Alkatea | Neophitos Fakontis (en) ![]() | ||||||||||
Izen ofiziala | Ορόκλινη | ||||||||||
Jatorrizko izena | Ορόκλινη | ||||||||||
Posta kodea | 7040 eta 7041 | ||||||||||
Geografia | |||||||||||
Koordenatuak | 34°58′53″N 33°39′23″E / 34.98137969°N 33.65647638°E / 34.98137969; 33.65647638 | ||||||||||
![]() | |||||||||||
![]() | |||||||||||
Azalera | 15,214 km² | ||||||||||
Altuera | 60 m | ||||||||||
Mugakideak | Livadia (en) ![]() ![]() ![]() ![]() ![]() | ||||||||||
Demografia | |||||||||||
Biztanleria | 6.117 (2011)![]() | ||||||||||
| |||||||||||
Dentsitatea | 402 bizt/km² | ||||||||||
Informazio gehigarria | |||||||||||
Ordu eremua | UTC+02:00 eta UTC+03:00 | ||||||||||
voroklini.org |
Oroklini (grezieraz: Ορόκλινη) edo Voroklini (grezieraz: Βορόκληνη) Zipreko Errepublikako herri bat da, Larnaka hiriaren ipar-ekialdean kokaturik dagoena. 2011. urteko erroldaren arabera 6.134 biztanle ditu, zipretarrak eta britainiarrak.
Geografia
Oroklini aintziraren ertzean kokaturik dago, baina itsasertzeko Livadia eta Dhekelia Road auzoak ere barne hartzen ditu. Herriaren ipar-mendebaldean Arodaphne muinoa dago eta Gerakomoutte tontorrak 208 metrotako altuera dauka. Muinoaren oinean Elisa profetaren eliza dago[1].
Etimologia
Nearchos Clerides-ek dioenez Oroklini izenaren jatorrian grezierazko Oros ("mendia") eta Krene ("iturria") daude, izan ere mendiaren maldetan hainbat iturburu aurkitzen baitira[1].
XVI. mendean Voroklini izenaz ezagutzen zen. XVII. mendeko veneziarren mapa batean Vorochini ("Garaipen ona") izena eman zitzaion eta Frantziako kontsulatuko agiri batean Verochino izenaz agertzen da[2].
Historia
Antzinatik populaturik egon da Oroklini dagoen eremua, izan ere kobre meategi ugari baitzituen[3].
Leontios Machairas historiagile zipretarrak dioenez Jano Ziprekoaren erregealdian (1398-1432) sarrazenoek sarritan erasotu zuten eskualdea[4] eta Oroklini ere suntsitu zuten[3]. XV. mendearen inguruan eskualde guztia hustu zen eta hurrengo mendeetan hainbat aldiz populatu eta despopulatu zen. Otomandarren garaian izandako ezegonkortasun politikoak eta kostaldetik zetozen erasoek eragin zuten hau.
XVIII. mendetik aurrera ordea bada herria bertan[3]. 1885eko Horatio Kitchenerren Zipreko herrien mapan Voroklini herria gaur egun dagoen tokian kokaturik aurkitzen da.
Dhekelia base subirano britainiarra mugakide duenez biztanleriaren zati handi bat britainiarrek osatzen dute gaur egun.
Ekonomia
Kobre ustiaketaren inguruan sortu bazen ere gaur egun ez da horrelako jarduerarik herrian. Igeltsua eta lur okrea ekoizten dira[3].
Oroklini aintzira
![](http://upload.wikimedia.org/wikipedia/commons/thumb/f/ff/A%40a_oroklini_lake_%28%CE%BB%CE%AF%CE%BC%CE%BD%CE%B7_%CE%BF%CF%81%CF%8C%CE%BA%CE%BB%CE%B9%CE%BD%CE%B7%CF%82%29_oroklini_larnaca_cy_-_panoramio.jpg/290px-A%40a_oroklini_lake_%28%CE%BB%CE%AF%CE%BC%CE%BD%CE%B7_%CE%BF%CF%81%CF%8C%CE%BA%CE%BB%CE%B9%CE%BD%CE%B7%CF%82%29_oroklini_larnaca_cy_-_panoramio.jpg)
Aintzira gazia da, sakonera txikia duena. Babes Eremu Berezia (Special Protection Area) izendaturik dago eta 2012an kontserbazio egoera egokia lortzeko hiru urteko proiektuari ekin zitzaion LIFE Oroklini izena duena[5]. 58 hegazti espezie migratzailek hartzen dute bertan atseden[6], aipagarrienak zankaluzea, hegabera ezproiduna eta flamenko arrosa dira.
Elizak
Orokliniren mendialdean hainbat eliza aipagarri daude, denak bertan behera geldituak.
- Mikel Goiaingeruaren eliza: XVII. mendean bizantziar estiloan eraikia baina 1867an eta 1986an berreraikia.
- Elias profetaren eliza: XVI. mendekoa.
- Tomas Deunaren eliza: X. mendeko monasterioa izandakoa.
Erreferentziak
- ↑ a b «Voroklini» www.voroklini.org (Noiz kontsultatua: 2020-12-05).
- ↑ «Voroklini» www.voroklini.org (Noiz kontsultatua: 2020-12-05).
- ↑ a b c d «Voroklini» www.voroklini.org (Noiz kontsultatua: 2020-12-05).
- ↑ «Cyprus : The Chronicle of Cyprus by Leontios Machairas» www.cyprusevents.net (Noiz kontsultatua: 2020-12-05).
- ↑ (Ingelesez) «Oroklini Lake» Cyprus Island 2018-06-17 (Noiz kontsultatua: 2020-12-05).
- ↑ «Aim - LIFE Oroklini Project» www.orokliniproject.org (Noiz kontsultatua: 2020-12-05).
Kanpo estekak
Datuak: Q7103757
Multimedia: Oroklini / Q7103757