Pompas de papel
Pompas de papel (euskaraz Paperezko punpuilak), Radio Euskadiko kulturari buruzko irratsaio bat da. Kulturaren inguruko arlo guztiak jorratzen ditu: literatura, zinema, antzerkia, komikiak, erakusketak, elkarrizketak eta abar. Félix Linares eta Kike Martín esatariek aurkezten dute.
Irrati kate honetako irratsaio beteranoetako bat da, 1987an sortua izan baitzen. 2012ko azaroaren 28an bere 25. urteurrena bete zuen, hori ospatzeko zuzeneko irratsaioa Bilbo hiriko Bidebarrietako Udal Liburutegian burutu zuten[1].
Kolaboratzaileak
Bere ibilbide luzean zehar kolaboratzaile eta esatari ugari izan ditu: Roberto Moso, Jon Uriarte, Patricia Gaztañaga, Manu Narváez, Iñigo Lejarza, Txani Rodríguez, Goizalde Landabaso eta abar.
Emakumeen tertulia
1990eko hamarkadan munduko bost hirietan bizi edo berriemaileak ziren bost emakumez osatutako orotariko gaiez mintzatzeko tertuliaz osatutako atala ere bazuen: Marili Martínez (Berlin, Berlingo Unibertsitateko irakaslea), Luisa Futuransky (Paris, idazlea), Jan Farley (Edinburgh. Eskoziako BBCeko kazetaria), Josebe Martínez (Kalifornia eta Mexiko, literatur tesiaren egilea) eta Marlene Mericaetxeberria (Erroma, kazetaria).
Erreferentziak
- ↑ 'Pompas de Papel' celebra su 25 cumpleaños. 2012ko zaroaren 28a, Eitb.eus (Gaztelaniaz)
Kanpo estekak
- Pompas de papel. Radio Euskadi (Gaztelaniaz) (Ingelesez)
- Pompas de papel irratsaioari buruzko artikulua irakurgai. Bilbao.eus (Gaztelaniaz)
Datuak: Q61070615