Radiestesia
![](http://upload.wikimedia.org/wikipedia/commons/thumb/4/47/18th_century_dowser.jpg/220px-18th_century_dowser.jpg)
Radiestesia lur apziko ur eta mineralak, hilobiak eta bestelako objektuak aurkitzeko teknika pseudozientifikoen multzoa da, material eta objektu hauek igortzen duten "energia", "bibrazioa" eta antzeko ustezko indarren bitartez. Maiz, radiestesistak, radiestesia praktikatzen dutenek alegia, zur eta metalezko txotxak, penduluak eta antzeko tresnak erabiltzen dituzte, bilatzen diren material eta objektuek tresna horietan, giza gorputz edo gogamenaren bitartez, eragiten duten mugimendua hautemateko.
Ur-aztiak
![](http://upload.wikimedia.org/wikipedia/commons/thumb/7/7b/Campeonato_de_bertsolaris_celebrado_en_el_front%C3%B3n_Anoeta_%287_de_17%29_-_Fondo_Mar%C3%ADn-Kutxa_Fototeka.jpg/220px-Campeonato_de_bertsolaris_celebrado_en_el_front%C3%B3n_Anoeta_%287_de_17%29_-_Fondo_Mar%C3%ADn-Kutxa_Fototeka.jpg)
Lur azpiko ura bilatzeko bada, antzinatik ezagutu eta praktikatzen den ustezko teknika da, ur-azti edo ur-bilatzaileek egin izan dutena.
Euskal Herrian Mattin Treku bertsolariak ur-azti lanak ere egiten zituen, hurritza erabiliz. Etxe askotan arrakastaz aurkitu izan zuela kontatu zuen bere emazte Mari Trekuk[1].
« | Urritzarekin zuen bere jukotria. Bi eskuen artean tiratzen zuen bi aldetarat, eta, hura erortzen zelarik gain behera, orduan zerbeit bazaukan: surtsaren bideak (...) Egiten zituen sei, hamar, dotzena bat ere berdin, urrats aintzina, eta, bere urritza erortzean, orduan gelditzen zen, neurri hartan irriskatzen zuela izaitea. | » |
Mari Treku |
Erreferentziak
Kanpo estekak
Datuak: Q304787
Multimedia: Dowsing / Q304787
- ↑ Treku, Mari. (1982). Mattin, nere gizona. Auspoa.