Rotonda di San Lorenzo (Mantua)

Rotonda di San Lorenzo (Mantua)
Irudi gehiago
Kokapena



Herrialdea	Italia

Eskualdea	Lombardia

Probintzia	Mantuako probintzia

Italiako udalerri	Mantua

Koordenatuak	45°09′29″N 10°47′41″E / 45.158125°N 10.79475°E / 45.158125; 10.79475

Historia eta erabilera

Irekiera	XI. mendea

Izenaren jatorria	Laurendi Erromakoa
Erlijioa	katolizismoa
Elizbarrutia	Roman Catholic Diocese of Mantua ^(en)
Arkitektura
Estiloa	arkitektura erromanikoa
Ondarea
Kontaktua
Helbidea	Piazza Erbe

Rotonda di San Lorenzo (edo San Lorenzo biribilgunea) eraikin erlijiosoa da, Mantuan dagoena, Lombardian (Italiako iparraldean).

Hiriko elizarik zaharrena da. Ziur aski, Venus jainkosari eskainitako tenplu erromatar batean lekuan eraikia dago. Plaza baino 150 cm beherago egoteak hori adierazten digu.

Historia

Canossa familiaren agintaldian eraiki zen, XI. mendearen amaieran. Jerusalemgo Hilobi Santuaren elizan inspiratu ziren eta San Lorentzo martiriari eskaini zioten.

XI. eta XII. mendeko bizantziar eskolako freskoak gorde ditu. Absideko beste fresko zati bat, San Lorentzoren martirioa islatzen duena, XV. mendekoa da. Lonbardiako tradizioa jarraituz, eraikuntza adreiluz egina dago, baina bi zutabe eta beste xehetasun batzuk marmolez eginak ditu, antzinako eraikinetatik datozenak.^[1]

1579an eliza itxi egin zuten^[2]. Desakralizatu ondoren, etxebizitza eta denda gisa erabili zuten. XX. mendean, inguruko etxe batzuk botatzerakoan, eraikina berriro agertu zen. Ondoren, kanpoko gehigarriak kendu eta eraikina errestauratu egin zuten.^[1]

2008tik UNESCOren Gizateriaren Ondare izendatua dago, Mantuako beste hainbat eraikinekin batera.^[3]

Arkitektura

Estilo erromanikoan eraikita dago. Oin zirkularra du, eta baita abside erdizirkular bat ere. Deanbulatorio bat dauka zutabeekin inguruan, eta goian galeria bat.

Argazki galeria

Barrualdea: Bi solairuak ikusten dira, zutabeek beheko deanbulatorioa eta goiko galeria banatzen dituzte.
1907ko argazkia: etxeek eliza estaltzen zuten
1908 eta 1911 artean: etxeak botatzean, horrela topatu zuten eliza

Erreferentziak

↑ ^a ^b «St Lawrence's Church» www.comune.mantova.it (Noiz kontsultatua: 2023-05-05).
↑ Barbara Furlotti; Guido Rebecchini, L'art à Mantoue, Paris: Hazan. 12. orrialdea
↑ (Gaztelaniaz) Centre, UNESCO World Heritage. «Centro del Patrimonio Mundial -» UNESCO World Heritage Centre (Noiz kontsultatua: 2023-05-05).