San Ignazioren martxa
San Ignazioren martxa | |
---|---|
Jatorria | |
Izenburua | San Ignazioren martxa |
Ezaugarriak | |
Hizkuntza | euskara |
San Ignazioren martxa Ignazio Loiolakoaren omenez konposatutako martxa bat da. Hitzak, itxura guztien arabera, Agustin Pascual Iturriaga (1778-1851) hernaniar apaizarenak dira.[1] Musika berriz Aita Nemesio Otaño (1880-1956) azkoitiar musikagileak sortu zuen.
Hitzak
"Inazio gure patroi handia
Jesusen konpainia
fundatu eta dezu armatu
ez da ez etsairik jarriko zaizunik
inolaz aurrean gaurko egunean
nahiz betor Luzifer deabrua
utzirik inpernua!
Zure soldaduak dirade aingeruak,
zure gidaria da Jesus handia
garaitu ditu zure konpainiak etsaiak.
Ez dauka Fedeak, ez kristau nereak
ez dauka beldurrik inongo aldetik
Inazio hor dago
beti ernai dago
armetan jarria
dauka konpainia
txispaz armaturik
bandera zabalik,
gau eta egun
guk guztiok bakea dezagun,
beti gau eta egun
gau eta egun".
Sabino Aranaren aldaera
XIX. mendean Sabino Aranaren eskutik erlijio katolikoak eta EAJ alderdiak harreman estua izan zuten arlo anitzetan. Sabino Aranak idatzitako bertsioak 1897an argitaratu ziren Baserritarra aldizkarian eta hedapen nabarmena izan zuten jeltzaleen artean, batez ere Bizkaia aldean.
Oñaz Loyola eta Likona'tar Iñaki
Aldaera hau Bizkaian ezaguna izan zen XX. mendean. Bizkaieraz idatzita baina aldi berean Sabindarren euskara garbiaz egina, ospe eta onarpen nabarmena izan zuen EAJ alderdiak indarra lortu zuen Bizkaiko herrietan.
"Bizkaya'ren zaindari deunari bizkatarrak"
"Iñaki, Jaungua'k bidalduba
ludijan ixatera Josu'ren
Gudarijen buruba;
Zaindari ta Jaun onena geuretzat.
Iñaki, entzun, arren, eiguzu
ta geure opea artu.
Bijotza bizkattarrak jayotzetik damotzu;
Zeuria da beria...
Baso, mendi, ibai, arru...
Zeru-gottik, Deun-Iñaki,
Jabon, ba Bizkaya.
Batzarrak autu zindun
Bizkattarren Zain Deuntzat.
Zeu zara
Jabo-ixu Jaun-Goikua,
Jabo-ixu Lagi-Zarra;
Areyo-aurrian Zeuk agindu Bizkattarrak...
Gudean sartutik, ezpatea artuta,
Bizkattarren aldez, Donge ta areyua
Indar zerutarraz zatittu osoro ta...
Zorijontsuba Bizkaya beti ixango da
Zeuk, Iñaki, zainduta"[2][3].
Ipuzkoa'ren zaitzari deunari ipuzkoarrak
Iñaki, Jainkoak bidalduba
Ludiyan izatera Josu'ren
Gudariyen buruba!
Batzarrak autu zindun
ipuzkarren Zai Deuntzat:
Zu zera Zaitzari ta Jaun onena guretzat.
Iñaki!, Entzun, arren, zaguzu
Eta gure emaitza artu!
Biyotza Ipuzkarrak fayotzetik demazu: Zurea da Berea
Baso, mendi, ibai, arru...
Ipuzkoa beti zaitu zuk ongi, Iñaki!
Zaizazu Jaun-Goikoa,
ZaizazunnLege-Zarra;
Etsayen aurrean zuk agindu ipuzkarra...
Gudean sarturik ezpatea artuta
Ipuzkarren alde gaizto ta etsaya
Zeruko indarrakin zatitu osoro ta...
Zori-ontsuba beti Ipuzkoa izango da zuk, Iñaki, zaituta!
[4]
Erreferentziak
- ↑ https://web.archive.org/web/20171222052140/http://hedatuz.euskomedia.org/2475/1/22338362.pdf
- ↑ https://txirenadas.blogspot.com/2012/07/inazio-deunaren-ereserkija-himno-de-san.html
- ↑ https://aunamendi.eusko-ikaskuntza.eus/es/inaki-deunaren-ereserkia/ar-68930/
- ↑ Baserritarra, 14'g. zenbakija, 1897-Garila-31
Ikus gainera
- Ignazio Loiolakoa
- Loiolako Santutegia
- Jesusen Lagundia
Kanpo estekak
- San Ignazioren martxa entzungai. Euskadiko Orkestra Sinfonikoa, eta Azpeitia eta Azkoitiako abesbatzak.
- San Ignazioren martxa entzungai. Youtube.com
Datuak: Q12266867