Teresa Aranguren
Teresa Aranguren | |
---|---|
![]() (2016) | |
Bizitza | |
Jaiotzako izen-deiturak | María Teresa Aranguren Amézola |
Jaiotza | Artziniega, 1944ko abenduaren 21a (79 urte) |
Herrialdea | ![]() |
Familia | |
Familia | ikusi
|
Hezkuntza | |
Heziketa | Madrilgo Complutense Unibertsitatea |
Hizkuntzak | gaztelania |
Jarduerak | |
Jarduerak | kazetaria |
Parte-hartzailea
| |
Kidetza | Radiotelevisión Española |
![]() ![]() ![]() |
Teresa Aranguren Ametzola (Artziniega, Araba, 1944ko abenduaren 21a) arabar kazetaria da eta ibilbide profesionala mundu arabiarrari eta gatazkan dauden eskualdeei buruzko nazioarteko informazioarekin lotuta egon da.[1]
Lan ibilbidea
Filosofia eta Letretan lizentziatua eta Psikologia eta Antropologian Madrilgo Unibertsitate Konplutentsean diplomatu ondoren, 1980an hasi zen kazetari lanetan. 1981ean, Espainiako Alderdi Komunistaren (PCE) Mundu Langilea nazioarteko atalaren ardura hartu zuen. Garai hartan, Israelek Libano inbaditu zuenean, kazetari lanak egitera joan zen, eta Txina, Aljeria eta Marokora bidaiatu zuen.[1]
1985ean Interviú aldizkarirako hasi zen lanean, eta urtebete geroago El Independiente egunkarian sartu zen nazioarteko ataleko buru gisa, Iran-Irak guda Teheranetik jarraitzeko.[2] Gerra hau korrespontsal gisa bete zuen emakume bakarra izan zen, libanoar argazkilari bat aparte utzita.[3]
1989ko udan, Telemadrid-eko informazio-zerbitzuen nazioarteko sailean sartu zen. 1990an Amanera eta Jerusalemera joan zen Golkoko lehen gerra estaltzeko, eta, harrezkero, sarri joan zen Irakeko krisien eta palestinarren eta israeldarren arteko gatazkaren berri ematera. 15 urtez, Ekialde Hurbilera bidali zuten. Besteak beste, Golkoko gerra eta Balkanetako gatazka babestu ditu. Orduan, Telemadrid izan zen gaztazkara joan zen espainiar lehen telebista.[1]
2001eko urtarriletik 2002ko ekainera bitartean, Telemadrid-eko Informazio Zerbitzuetako zuzendariordea izan zen, eta kargu hori utzi egin zuen Diego de la Serna, albistegietako zuzendaria, bota zutenean.[4]
Arabiar munduari eta palestinar herriari buruzko bi liburu argitaratu ditu: 2004an Palestina, el hilo de la memoria (euskaraz: Palestina, oroimenaren haria)[5] eta 2006an Olivo Roto: Escenas de la ocupación (Olibondo hautsa: Okupazioaren eszenak).[6] Eta Sandra Barrilaro argazkilari bilbotarrarekin batera Contra el Olvido, memoria fotográfica de Palestina antes de la Nakba (Ahanzturaren aurka, Nakba aurreko Palestinako argazki-memoria).[7][4]
2007ko urtarrilean, RTVEko Administrazio Kontseiluko kontseilari bihurtu zen, IUko-ICV2-k proposatuta.[2]
Jose Ametzolaren biloba da.
Argitaratutako lanak
- Palestina: El hilo de la memoria (2004) Caballo de Troya. Argitaletxea
- Olivo Roto: Escenas de la ocupación (2006) Caballo de Troya. Argitaletxea
- Contra el olvido. Una memoria fotográfica de Palestina antes de la Nakba, 1889-1948 (2015) Ediciones del Oriente y del Mediterráneo. Teresa Arangurenek koordinatua, Sandra Barrilaro, Johnny Mansour eta Bichara Khader-ekin Pedro Martínez Montávez arabistaren hitzaurrearekin.[7]
Sariak eta aintzatespenak
- 2000 Komunikabideen Emakume Profesionalen Elkartearen saria (AMECO).[2]
- 2001 Komunikazioko ASTER saria.[2]
- 2001 Irratiko eta Telebistako Profesionalen Elkarteko Zilarrezko Antena.[2]
- 2001 Zientziaren Nazioarteko Klubaren Lankidetza Saria.[2]
- 2022 Mirada encendida lehen saria, gerra-kazetarien Miradadoc jaialdian.[8]
Erreferentziak
- ↑ a b c «Aranguren, Teresa - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2022-03-07).
- ↑ a b c d e f RTVE. Teresa Aranguren Amézola. Consejera de Administración. .
- ↑ (Gaztelaniaz) Redactor. (2019-03-21). «Teresa Aranguren: "En las guerras las mujeres no son más víctimas que los hombres"» informaUVA (Noiz kontsultatua: 2022-03-07).
- ↑ a b Perfiles de las portavocías de la candidatura de IU. .
- ↑ (Gaztelaniaz) Aranguren, Teresa. (2004). Palestina: hilo de la memoria. Caballo de Troya ISBN 978-84-933670-0-8. PMC 57548478. (Noiz kontsultatua: 2022-03-07).
- ↑ (Gaztelaniaz) Aranguren, Teresa. (2006). [https://www.worldcat.org/title/olivo-roto-escenas-de-la-ocupacion/oclc/77559587 Olivo roto: escenas de la ocupacio��n. ] Caballo de Troya ISBN 978-84-96594-09-8. PMC 77559587. (Noiz kontsultatua: 2022-03-07).
- ↑ a b (Gaztelaniaz) [https://www.worldcat.org/title/contra-el-olvido-una-memoria-fotografica-de-palestina-antes-de-la-nakba-1889-1948/oclc/931867072 Contra el olvido: una memoria fotogra��fica de Palestina antes de la Nakba, 1889-1948. ] Ediciones del Oriente y del Mediterra��neo 2015 ISBN 978-84-943932-4-2. PMC 931867072. (Noiz kontsultatua: 2022-03-07).
- ↑ (Gaztelaniaz) EFE, Agencia. (2022-03-05). «Teresa Aranguren, premio del festival MiradaDoc a corresponsales de guerra» COPE (Noiz kontsultatua: 2022-03-07).
Kanpo estekak
- Elkarrizketa: Beti axola izan zait behean gertatutakoa kontatzea, bonbak eroritako tokian Berria, 2022.02.27
Datuak: Q6142511