Tower Hamlets
Tower Hamlets | ||
---|---|---|
Londresen banaketa administratiboa | ||
![]() ![]() | ||
| ||
Administrazioa | ||
Estatu burujabe | ![]() | |
Herrialdea | ![]() | |
Ingalaterrako eskualdea | Londresko eskualdea | |
Ingalaterrako konderri zeremoniala | Londres Handia | |
Alkatea | John Biggs (en) ![]() | |
Posta kodea | E | |
Geografia | ||
Koordenatuak | 51°30′36″N 0°00′22″W / 51.51°N 0.0061°W / 51.51; -0.0061 | |
![]() | ||
![]() | ||
Azalera | 19,7864 km² | |
Demografia | ||
Biztanleria | 317.705 (2018)![]() | |
Dentsitatea | 16.057 bizt/km² | |
Informazio gehigarria | ||
Sorrera | 1965eko apirilaren 1a | |
Ordu eremua | UTC±00:00 eta UTC+01:00 | |
Hiri senidetuak | Zemun (en) ![]() | |
towerhamlets.gov.uk |
![](http://upload.wikimedia.org/wikipedia/commons/thumb/7/77/Tower_Hamlets_London_UK_location_map.svg/300px-Tower_Hamlets_London_UK_location_map.svg.png)
Tower Hamlets (ingelesez: London Borough of Tower Hamlets) Londresko udalerrietako (borough) bat da. 2015ko erroldaren arabera 295.200 zituen 19,77 kilometro koadroko azaleran. City of London udalerriaren ekialdean dago, Tamesis ibaiaren iparraldeko ertzean.
Historia
Tower Hamlets izenak "Dorrearen herrixkak" esan nahi du, izan ere Londresko dorrearen ekialdeko lurretan Londresko harresietatik kanpo zeuden herrixka txikiek osaturiko eremua baitzen. XVI mendean agertzen da izen hau lehen aldiz eta 1646an Londresko milizari zerga ordaintzen ziola ere aipatzen da[1].
XIX mendean Londresko biztanleria asko igo zen eta hiria superpopulatu zen harresien barruan. Honetaz gain 1828 urtean St Katharine Docks moilak eraiki ziren eta honek eremuko nekazari ugari erakarri zituen ontzioletako lan bila. Inmigrante ugari ere iritsi ziren, higanot frantsesak (XVII mendean), ehungile irlandarrak, askenazi juduak eta azkenik XX mendean Bangladeshtarrak. Gune hau mundu osoko portu nagusienetako bat izan zen, denera 50.00 langile izatera iritsi zelarik. Bestalde, 1840 eta 1875 artean Londres erdian tren geltokia egiteko txabola-auzo osoak eraitsi ziren eta han bizi zen jende behartsuak Tower Hamletsera aldatu behar izan zuen. "East End" ezizen peioratiboa eman zitzaion orduan. Egoera honek mugimendu politiko eta sozialak sortarazi zituen, hasieran sindikatuak sortuz eta XIX mendearen bukaeran Erresuma Batuko Alderdi Laborista eratuz.
Bigarren Mundu Gerrako bonbaketek gogor jo zuten auzoa. 2.271 pertsona hil ziren, 46.482 etxe suntsitu eta beste 47.574 kaltetu. 1950eko hamarkadan berriz zuzpertu ondoren, portuko industriak gainbehera jasan zuen, Felixstowe edo Harwich bezalako hiriko beste portu batzuekin parekatuz gero askoz ere onura edo etekin ekonomiko gutxiago zekartzalako, honek portuaren itxiera ekarri zuen 1980an.
Honen aurrean Gobernuak biziberritzeko plana abiatu zuen eta Canary Wharf negozio barrutia eraiki zuen. Europako etxe-orratz garaienetakoak daude bertan eta kontinenteko konpainia nagusiek egoitza ezarri dute. 2012 urteko Olinpiar Jokoetako Parke Olinpikoa ere bertan eraiki zen, Queen Elizabeth Olinpiar parkea[2] izenekoa.
Auzoak
Barrutia honako auzoek osatzen dute:
|
|
|
Etxeorratzak
- 25 Canada Square
- 1 West India Quay
- Pan Peninsula
- 8 Canada Square
- One Canada Square
- 40 Bank Street
- 25 Bank Street
- One Churchill Place
Ondasun nabarmenak
-
-
-
-
-
- One Canada Square (235 m).
- Queen Elizabeth Olinpiar parkea.
- Whitechapel, Bangladeshtarren auzoa.
- St. George in the East eliza.
- Christ Church eliza.
- Wilton's Music Hall.
- Viktoria parkea.
- Regent's Canal ubidearen bukaera, Limehousen.
Erreferentziak
- ↑ (Ingelesez) January 1648: An Ordinance for Constituting a Committee of Militia within the Hamblets of the Tower of London. | British History Online. (Noiz kontsultatua: 2017-03-26).
- ↑ (Ingelesez) «Olympic Photos, Galleries & Slideshows | Top Olympic Images» International Olympic Committee 2017-02-23 (Noiz kontsultatua: 2017-03-26).
Kanpo estekak
- (Ingelesez) Tower Hamlets barrutiko kontseiluaren webgunea.
Datuak: Q208152
Multimedia: London Borough of Tower Hamlets / Q208152