Txente García Acosta
Txente García Acosta | |
---|---|
![]() ![]() | |
Bizitza | |
Jaiotza | Donostia, 1972ko abuztuaren 4a (52 urte) |
Herrialdea | ![]() |
Hezkuntza | |
Hizkuntzak | gaztelania |
Jarduerak | |
Jarduerak | txirrindularia eta kirol zuzendaria |
Ibilbidea | |
Taldeak | Urteak |
Movistar Team | 1995-2011 |
Parte-hartzailea
| |
Pisua | 76 kilogramo |
Altuera | 186 zentimetro |
![]() ![]() |
Jose Vicente "Txente" Garcia Acosta (Pasaia, Gipuzkoa, 1972ko abuztuaren 4a) txirrindulari profesional ohia da.
Gipuzkoan jaio arren Tafallan hazi zen. 1995ean profesionaletan debutatu zuen eta beti Eusebio Unzué eta José Miguel Echavarriren taldeetan aritu da. Ahalmen handiko ordokilaria da eta taldeko liderren (Abraham Olano, Chaba Jimenez, Alex Zulle, Francisco Mancebo, Alejandro Valverde...) luxuzko laguntzailea izan da. Frantziako Tourreko etapa bat irabazi du eta Espainiako Itzuliko bi. 1998an Eddy Merckx Sari Nagusia irabazi zuen Abraham Olano lagun zuela.
Kirol ibilbidea
2000ko Frantziako Tourreko 13. etapa irabazi zuen ihesaldi baten ondorioz Draguignanen, Nicolas Jalabert (ONCE-Deutsche Bank) eta Pascal Hervé (Polti) frantziarrei aurrea hartuz. Tour honetan Francisco Mancebo bere taldekidearentzat ere lan egin zuen, honako honek azken sailkapen orokorrean bederatzigarren postua eta gazte onenaren saria lortu zuelarik. Txente 53. sailkatu zen Parisera iristean, Tourreko bere sailkapenik onena hau izan zelarik.
García Acostak 2011ko Espainiako Itzuliko 5. etapan, lasterketa utzi behar izan zuen, eroriko batean besaurrealdean eta saihets batean hainbat haustura eraginda. Aste batzuk geroago, hausnartu ondoren, 39 urte betetzear zegoela, karrera profesionalari amaiera ematea erabaki zuen. Espainiako hamabost Vueltan eta Frantziako hamabi Tourretan partu hartu ondoren.
Jose Vicente Garcia Acostak 8 garaipen lortu zituen bere ibilbide profesionalean.
Erretiratu eta hilabete batzuk geroago, Movistar taldeko staff teknikoan Italiako Giroan aritu zen (korrikalaria zenean sekula lehiatu ez zuen lasterketa).
Palmaresa
1992
- Salamancako Itzulia
1996
- Nafarroako Itzulia eta etapa 1
- 2. Manuel Galera Memorialean
1997
- Espainiako Vueltako etapa 1
- 7. Herbehereetako Itzulian
1998
1999
2000
- Frantziako Tourreko etapa 1
2002
- Espainiako Vueltako etapa 1
- 7. Luxenburgoko Itzulian
2003
- Gaztela eta Leongo Itzuliko etapa 1 (taldekako erlojupekoa)
- Burgosko Itzuliko etapa 1
- 9. Pino Cerami Sari Nagusian
2004
- Gaztela eta Leongo Itzuliko etapa 1 (taldekako erlojupekoa)
2006
- Gaztela eta Leongo Itzuliko etapa 1
2007
- Mediterraneoko Tourreko etapa 1 (taldekako erlojupekoa)
2011
- Burgosko Itzuliko etapa 1 (taldekako erlojupekoa)
Sailkapen orokorra Itzuli Handietan
Lasterketa | 1995 | 1996 | 1997 | 1998 | 1999 | 2000 | 2001 | 2002 | 2003 | 2004 | 2005 | 2006 | 2007 | 2008 | 2009 | 2010 | 2011 | |
---|---|---|---|---|---|---|---|---|---|---|---|---|---|---|---|---|---|---|
Italiako Giroa | — | — | — | — | — | — | — | — | — | — | — | — | — | — | — | — | — | |
Frantziako Tourra | — | — | UT | UT | 68. | 53. | UT | 122. | 125. | 86. | 148. | 113. | 91. | 138. | — | — | — | |
Espainiako Vuelta | — | — | 62. | 48. | 53. | 63. | 111. | 75. | 108. | 106. | 72. | 104. | 124. | 119. | 137. | 115. | UT | |
— | — | 80. | 13. | UT | — | — | 73. | — | — | — | — | — | — | — | — | — |
—: ez zuen parte hartu
UT: utzi, ez zuen amaitu
Kanpo estekak
Wikimedia Commonsen badira fitxategi gehiago, gai hau dutenak: Txente García Acosta ![]() |
- (Frantsesez) Siteducyclisme.net: José Vicente Garcia Acosta
Datuak: Q727967
Multimedia: José Vicente García Acosta / Q727967