Unama

Unama
Datuak
Jatorria	Ziburu, (Lapurdi)
Musika mota	folk
Produkzioa
Diskoetxea(k)	Kultulan Diskak / Usopop
Taldekideak
Domeka Zubeldia Kamila Zubeldia Nahia Zubeldia Unai Zubeldia

Unama Ziburuko Zubeldia familiako lau kidek sortu musika taldea da.

Taldean bi anai-arreba pare dira (alde batetik Nahia eta Unai, bertzetik Domeka eta Kamila), elkarren artean kusiak. Zubeldia familian betidanik kantatu izan dute biziki. Bi neskak elkarrekin ibiltzen ziren maiz, eta mutilak berdin, usu kantuz ere. Egun batez, neskei Ikastolaren aldeko kantaldi batean parte hartzeko galdegin zieten, eta neskek mutilei laguntza eskatu. Hola hasi ziren lauak kantuz, 2000. urtean. Arrakasta pixka bat bildu baitzuten, kantuak sortzen hasi ziren eta 2005ean atera zuten lehen diska. Bigarrena, Iduzki xuria, 2019an atera zuten, Usopop elkartearekin. Kamilak Saioa taldean ere parte hartzen du Marieder Iriartekin batera. Nahia Lumi bikotean ari da Manu Matthysekin.

• Unama (2005, Kultulan Diskak)^[1]
• Iduzki xuria (2019, UsoPop Diskak)^[2]

• Datuak: Q31723098