Veneziako Ubide Handia
Veneziako Ubide Handia | |
---|---|
Canal Grande | |
San Marco San Polo Dorsoduro Santa Croce Cannaregio | |
![]() ![]() | |
Kokapena | |
Herrialdea | ![]() |
Eskualdea | ![]() |
Italiako hiri metropolitarra | Veneziako Hiri Metropolitanoa |
Italiako udalerri | Venezia |
Koordenatuak | 45°26′32″N 12°19′35″E / 45.4422°N 12.3264°E / 45.4422; 12.3264 |
![]() | |
Altitudea | 0 m, itsas mailaren gainetik |
Dimentsioak | 3,8 (![]() |
Veneziako Ubide Handia (italiera Canal Grande, venezieraz Canal Grando edo Canałaso ) Veneziako ubide nagusia da. Hiria gurutzatzen du S handi bat marraztuz. Garrantziaren arabera, hiriko bigarren ubidea Cannaregio da. Munduko paisaia ezagunetariko bat da.
Ezaugarriak
Ubide Handiak lau kilometroko luzera ditu. Punta bat Veneziako iparmendebaldean dagoen bitartean, hau da, lehorrera joateko bidean, bestea San Markoren ditxoan dago, Adriatiko itsasoan. Ubideak hiria bi zatitan banatzen du; ohikoa da entzutea San Marko dagoen aldea nobleagoa dela eta bestea herrikoiagoa.
Eraikinak
Zubiak
Nahiz eta duen luzera, lau zubi bakarrik daude:
- Rialto zubia, zaharrena.
- Akademiaren zubia, San Vidal eta Carità artean.
- Oinutsien zubia, Santa Luzia geltokiaren ondoan.
- Konstituzioaren zubia, modernoena, Piazzale Roma eta Santa Luzia geltokia lotzen duena.
Jauregiak
- Ca' Vendramin Calergi, kasinoaren neguko egoitza. Hemen bizi eta hil egin zen Richard Wagner (1813-1883) musikagile alemanarrea.
- Ca' Pesaro, Pesaro familiaren egoitza zaharra. XVIII. mendeko eraikina, egun Arte Modernoaren Museoa da.
- Ca' d'Oro. Izena hasieran zituen urrezko apaingarrietatik datorkio. Jauregi honen jatorria XV. mendean dago, gotiko estiloan. Egun, Franchetti Galeriaren egoitza da.
- Grassi jauregia, XVIII. mendekoa. Grassi Fundazioaren egoitza da. Ekintza artistiko ugari antolatzen dira bertan.
- Ca' Foscari, XV. mendekoa. Veneziako arte gotikoaren maisulana da.
- Corner della Ca’ Granda jauregia, 1532an eraikia. Arkitektoa Sansovino (1486 inguru-1570) arkitekto eta eskultore italiarra izan zen. Pizkunde estiloaren sartzailea izan omen zen. 1527an Venezian lekuratu zen. Jauregi hau ia ibilbidearen amaieran dago, ditxotik gertu.
- Delfín Manin jauregia, Sansovinok berak eraikia Giovanni Dolfin noblearentzat. Jauregi honetan Veneziako azken dux bizi izan zen: Ludovico Manin.
Besteak
- Scalzi eliza, XVII. mendekoa. Bi kaperetan Veneziako eskolaren ordezkari nagusia bezala aipatzen den Tiepolo (1696-1770) margolariaren freskoak ikus daitezke.
- Akademia. Fue la escuela y monasterio de la Carità monasterioa eta eskola izan zen. Izena bertan egon zen Arte Ederren Akademiatik datorkio; Akademia 1807an Napoleonek kokatu zuen hor.
Iruditegia
![](http://upload.wikimedia.org/wikipedia/commons/thumb/e/ef/Canal_Grande_Panorama2.jpg/900px-Canal_Grande_Panorama2.jpg)
- Ubide Handiaren ikuspegia. Atzean Santa Maria della Salute.
-
- Delfín Manin jauregia.
- Ubide Handia Rialto zubiaren azpitik.
- Ubide Handia bere alderantzizko S´a marrazten.
Erreferentziak
Kanpo estekak
- (Gaztelaniaz):Informazio turistikoa.
Datuak: Q309243
Multimedia: Canal Grande (Venice) / Q309243