Vorarefilia
![](http://upload.wikimedia.org/wikipedia/commons/thumb/7/79/Cartoon_of_people_falling_into_a_giant%27s_mouth_%28color%29.jpg/220px-Cartoon_of_people_falling_into_a_giant%27s_mouth_%28color%29.jpg)
Vorarephilia (askotan vore bezala laburtuta) beste pertsona edo izaki batez kontsumitua izan, edo, batzuetan, haiek pertsonalki kontsumitu, edo jate prozesu orokorrarekiko erakarpen erotikoa ezaugarritzat duen parafilia da.[1][2][3][4] Izan ere, vorarefilia fantasiak normalean ezin direnez errealitatean gauzatu, sarritan Interneten partekatzen diren ipuin edo marrazkietan adierazten dira.[1] Vorarephilia hitza Latinerazko vorare ("irentsi") eta Antzinako greziako φιλία (philía, "maitasun") hitzetatik eratorria da.
Fantasiak, normalean biktima osorik irenstea dakar, nahiz eta noizean behin biktimak murtxikatuak diren, eta digestioa sartu daiteke edo ez.[1][4][5] Vore fantasiak sexu-kanibalismotik bereizi egiten dira, biktima bizia osorik irensten baita.[1] Batzuetan kontsumitzaileak gizakiak dira, baina giza itxurako animaliak, animali arruntak, herensugeak, eta suge izugarriak ere agertzen dira maiz fantasia horietan. Kontsumitu ondoren, kontsumitzailearen sabela handitua arreta handiz deskribatu ohi da.[1] Vorarefiliak batzuetan vore biguna eta vore gogorraren artean bereizten du; vore bigunak biktima osorik eta bizirik irenstea esan nahi du, eta, seguru asko, itzulia "ez-fatal" egoera batean, vore gogorrean, berriz, biktimak digestio prozesu izugarriago eta errealista batean sartzen da, sarritan murtxikatua.
Gehienetan vore irudi, ipuin, bideo, eta bideo-joko bidez gozatzen da eta hedabide nagusietan ager daiteke.[6] Kasu batzuetan, vorarefilia macrofiliaren aldaera bezala deskribatzen da eta beste parafilia batzuekin konbinatu daiteke.[7] Macrofiliaz gain, vore fantasiak askotan BDSM, mikrofilia, haurdunaldi fetitxismoa, "furry" fetitxismoa, "ezjaiotza" (baginan irentsia izan eta umetokira itzultzeko nahia), eta sexu-kanibalismoa.[1]
Kasu azterketa baten analisiak fantasia hau sexual masokismoarekin lotu zuen eta beste norbait indartsuarekin batzeko nahia eta bakardadetik betirako ihesak motibaturik izan zitekeela iradoki zuen.[1] Beraien sexualitatearekin gaizki sentitzen diren "tratamendu gabeko" vorarefilia dutenei, Torontoko Centre for Addiction and Mental Health-eko psikologoek sexu interesa "egokitzea, aldatu edo kendu ordez" gomendatzen diete.[5] Libido murrizketarako botikak erabili ahal dira beharrezkotzat jotzen bada.[1]
Erreferentziak
- ↑ a b c d e f g h (Ingelesez) Lykins, Amy D.; Cantor, James M.. (2014-01-01). «Vorarephilia: A Case Study in Masochism and Erotic Consumption» Archives of Sexual Behavior 43 (1): 181–186. doi:10.1007/s10508-013-0185-y. ISSN 0004-0002. (Noiz kontsultatua: 2018-04-22).
- ↑ (Ingelesez) «Eat or be eaten: Is cannibalism a pathology as listed in the DSM-IV?» The Straight Dope 2004-07-02 (Noiz kontsultatua: 2018-04-22).
- ↑ (Ingelesez) Ågmo, Anders. (2007). Functional and dysfunctional sexual behavior: a synthesis of neuroscience and comparative psychology. Academic Press, 454 or. ISBN 0-12-370590-8..
- ↑ a b The Wave Magazine - Silicon Valley's Finest Entertainment & Lifestyle Magazine. 2007-09-27 (Noiz kontsultatua: 2018-04-22).
- ↑ a b (Ingelesez) «Man who desired to be eaten by a ‘large, dominant woman’ a baffling case for Toronto psychiatric hospital doctors» National Post 2013-10-01 (Noiz kontsultatua: 2018-04-22).
- ↑ Wayback Machine. 2007-09-27 (Noiz kontsultatua: 2018-04-22).
- ↑ (Ingelesez) Ceilán, Cynthia. (2008). Weirdly Beloved: Tales of Strange Bedfellows, Odd Couplings, and Love Gone Bad. Globe Pequot, 90 or. ISBN 1-59921-403-2..
Kanpo estekak
- Vorarefilia WikiFur-en
Datuak: Q1067048
Multimedia: Vore / Q1067048