Allianz Arena
Allianz Arena | |
---|---|
![]() ![]() ![]() ![]() ![]() | |
Kokapena | |
Estatu burujabe | ![]() |
Alemaniako estatua | ![]() |
Gobernu-eskualde | Bavaria Garaia |
Unibertsitate-hiri | Munich |
Borough of Munich | Schwabing-Freimann |
Koordenatuak | 48°13′08″N 11°37′29″E / 48.218775°N 11.624752777778°E / 48.218775; 11.624752777778 |
![]() | |
Historia eta erabilera | |
2006ko Munduko Futbol Txapelketa | |
Eraikuntzaren hasiera | 2002ko urriaren 21a |
Inaugurazioa | 2005eko maiatzaren 30a |
Jabea | FC Bayern München |
Izenaren jatorria | Allianz SE |
Kirola | futbola |
Erabiltzailea | FC Bayern München 2005 - baliorik ez TSV 1860 München 2005 - 2017 |
Edukiera | 75.024 eta 66.000 |
Arkitektura | |
Arkitektoa | Herzog eta de Meuron |
Eraikitzailea | Alpine Holding (en) ![]() |
Egitura ingeniaritza | Arup (en) ![]() |
Materiala(k) | Desso GrassMaster (en) ![]() |
Estiloa | high-tech architecture (en) ![]() |
Kontaktua | |
Helbidea | Werner-Heisenberg-Allee 25 |
Webgune ofiziala | |
Allianz Arena Alemaniako Baviera eskualdean dagoen Munich hiriko iparraldean dagoen Fröttmaning auzoan dagoen futbol zelaia da. Bertan jokatzen duten etxeko taldeak FC Bayern München eta TSV 1860 München dira, talde hauek aurretik Municheko Olinpiar Estadioan jokatu ohi zuten.
Alemanian ospatu ziren 2006ko Munduko Futbol Txapelketako azpi-egoitzetako bat izan zen. Ospakizun honetarako eta betiere FIFAren araudian oinarritutako arrazoiak zirela eta, estadioak denboraldi batetarako Municheko FIFAren Munduko Kopako Estadioa izena eraman zuen. Antzeko arrazoiak zirela eta, UEFAk antolatutako txapelketetan München Arena izena darama. Aldaketa hauetatik at, estadioaren izen ofiziala Allianz Arena da.
Allianz Arena estadioa era herrikoian eta bere itxurarengatik Schlauchboot (euskaraz: ontzi puzgarria) ezizenez ezagutzen da.
Historia
![](http://upload.wikimedia.org/wikipedia/commons/thumb/e/e7/Allianzarena_bau.jpg/230px-Allianzarena_bau.jpg)
2001ko urriaren 21an Bavieran udal galdeketa bat egin zen, bertan bozkatzaileen %65,8ak (Munich hirian bozkatzeko eskubidea zutenen %37,5a) estadio berri bat eraikitzearen alde bozkatu zuen (Municheko Olinpiar Estadioa eraberritzearen aukera baztertuz).
Estadioaren diseinua Herzog & de Meuron arkitektura estudioarena izan zen, 2003an hautatua izan zelarik. Allianz alemaniar aseguruetxeak, proiektua bultzatu zuen elkarteko kide nagusia zenak, zetozen 30 urtetan estadioak bere izena eraman zezan dirua ordaindu zuen. Eraikuntzaren kostu osoa 341 milioi euro izan zen, TSV 1860 München eta FC Bayern München taldeek ordainduak.
2002ko urriaren 21ean eraikitzeari ekin zitzaion, lehenbiziko harria Franz Beckenbauerek jarri zuelarik, eta 2005ko apirilean amaitu zen. 2005ko maiatzaren 30an TSV 1860 München eta 1. FC Nürnberg taldeen arteko partiduarekin inauguratu zen. 2005ko maiatzaren 30an FC Bayern München eta Alemaniako futbol selekzio nazionalaren artean bigarren inaugurazio partidua jokatu zen.[1]
2005ko ekainaren 2an hiriko bi futbol taldeen arteko lehenbiziko partidua jokatu zen, Paul Agostino futbolariaten gol bati esker TSV 1860 München taldeak irabazi zuelarik.
Estadioan sartutako lehen gola TSV 1860 taldeko Patrick Milchraum futbolariak sartu zuen.
![](http://upload.wikimedia.org/wikipedia/commons/thumb/e/eb/Allianz_Arena_during_a_match_between_Bayern_Munich_and_1860_Munich.jpg/900px-Allianz_Arena_during_a_match_between_Bayern_Munich_and_1860_Munich.jpg)
Iruditegia
- Partidu baten zehar
- Kanpoaldea
- Iparraldeko armailak
- Airetik ikusita
- Urdinez argiztatua
- Gorriz argiztatua
- Eskema
Erreferentziak
- ↑ Munichek bere bitxi berria bataiatu du. (Gaztelaniaz)
Kanpo estekak
- Allianz Arena estadioaren webgune ofiziala (Alemanez) (Ingelesez)
Datuak: Q127429
Multimedia: Allianz Arena / Q127429