Gurbizar

Gurbizar
Nafarroa Garaia, Euskal Herria
Kokapena
Herrialdea	Nafarroa Garaia
Eskualdea	Pirinioak
Udalerria	Erroibar
Administrazioa
Mota	herri hustu
Izen ofiziala	Gurbizar
Posta kodea	31697
Herritarra	gurbiztar
Geografia
Koordenatuak	42°55′23″N 1°27′48″W / 42.92294919°N 1.4633823°W / 42.92294919; -1.4633823
Garaiera	688 metro
Distantzia	35,6 km (Iruñetik)

Gurbizar^[1][a] Erroibar ibarreko herri hustu bat da, Euskal Herriko Nafarroa Garaia lurraldean kokatuta, Pirinioak eskualdean.

1960n jada despopulatu bezala agertzen zen. Bere lurrak Erroko Udalara pasa ziren.

Bertako biztanleak gurbiztarrak ziren.

Gubizar toponimoa hainbat modutan agertu da historian zehar:^[2]

• Guruiçar (1366)
• Gurbiçarr (1366)
• Gurbizar (1534)
• Gurrizar (1800)
• Gurbizar (1829)
• Gulbizar (1974)
• Zubizar (1974)
• Gurbizar (1976)

Gurbizar toponimoa izen gardena da. Gurbi (gurbitz) eta zar (zahar) hitzeten arteko elkarketa da. "Gurbitz zaharra" bezala birformulatu liteke.

Gurbizar Erroiberran dago.

Erroiberraren azalera handia dela eta bi klima ezberdin daude, iparraldeko klima azpiatlantiarra, pagadi ugari eta urte osoko prezipitazioekin, eta hegoaldeko klima azpimediterraneoa, basa pinuekin eta uda garaiko bi hilabete idorrekin. Urteko batez besteko prezipitazioak 1 200 mm dira hegoaldean, eta 2 000 mm ibarraren iparraldean. Batez besteko tenperatura 7 eta 10 gradu bitartekoa da.

Urteroko egun euritsuak 120 izaten dira ibarraren hegoaldean eta 140-150 egun iparraldean. Gunerik menditsuenetan egun euritsuak 150 baino gehiago izan daitezke.

Erroiberran dagoen Aurizperri kontzejuan, itsasoaren mailatik 871 metrora, Nafarroako Gobernuak 1972an jarritako estazio meteorologikoa dago. ^[3] Gainera, 1975an, beste estazio meteorologiko bat inauguratu zen Erro kontzejuan, itsasoaren mailatik 672 metrora.^[4] Erroko estazioa da Gurbizarrerako balio egokienak ematen dituena, hurbilen dagoena baita.

Datu klimatikoak (Erro, 1975-2020)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Erregistraturiko tenperatura maximoa (°C)	18.0	21.0	23.0	26.0	32.0	37.0	39.0	40.0	36.0	28.0	22.0	20.0	40.0
Batez besteko tenperatura maximoa (°C)	6.8	7.9	11.0	12.8	17.4	21.5	24.2	24.7	21.1	16.4	10.6	7.6	15.2
Batez besteko tenperatura (ºC)	2.8	3.4	6.0	7.7	11.7	15.6	18.0	18.1	14.7	11.0	6.5	3.6	9.9
Batez besteko tenperatura minimoa (°C)	-1.3	-1.1	1.1	2.6	6.1	9.6	11.8	11.6	8.2	5.6	2.3	-0.5	4.7
Erregistraturiko tenperatura minimoa (°C)	-9.2	-8.1	-5.0	-2.5	0.0	3.1	5.7	4.8	1.8	-1.4	-5.0	-8.3	-2.0
Batez besteko prezipitazioa (mm)	134.1	121.5	116.4	142.7	102.5	63.9	53.6	52.8	81.4	123.0	156.3	153.4	1301.6
Prezipitazio maximoa 24 ordutan (mm)	71.5	63.5	67.4	59.9	60.0	60.0	61.3	100.0	110.0	86.8	83.5	88.0	110.0
Prezipitazio egunak (≥ 1 mm)	13.5	11.9	12.4	15.1	14.6	9.8	7.0	7.6	9.3	13.1	14.2	14.4	142.8
Elur egunak (≥ 1 mm)	3.0	4.0	3.0	2.1	0.3	0.0	0.0	0.0	0.0	0.1	1.4	2.1	15.9
Iturria: Nafarroako klimatologia zerbitzua[5]

XIX. mendearen lehen erdira arte, jurisdikzio zibila ibarreko alkateak zuen, Erroko bizkondesak izendatua, eta ekonomikoa ibarrak aukeratutako diputatuek eta herriko errejidoreek, auzokoen artean txandakatuz. 21 biztanle zituen 1858an, 25 1887an, 35 1920an, 17 1930ean, 16 1940an, 8 1950ean, bat ere ez 1960an eta ez da agertzen hurrengo izendegietan. Nafarroako Baso Ondareari dagokio, eta Oiaide, Urniza eta Larraingoarekin 746 hektareako finka bat osatzen du.

Herriko jai nagusiak Santa Luziaren omenez ospatzen ziren eta jai txikiak Santa Zeziliaren omenez.

1. ↑ /guɾβ̞ís̻aɾ/ ahoskatua (laguntza)
   Azentua: zorrotza bigarren silaban

• Erroibar
• Pirinioak
• Zangozako merindadea
• Nafarroa Garaia

• Erroibarko Udalako webgune ofiziala

• Datuak: Q12258786