Iruñeko autobus geltoki zaharra
Iruñeko autobus geltoki zaharra | |
---|---|
![]() Iruñeko autobus geltoki zaharra 2007. urtean. | |
Kokapena | |
Herrialdea | ![]() |
Probintzia | ![]() |
Udalerria | Iruñea |
Koordenatuak | 42°49′N 1°38′W / 42.81°N 1.64°W / 42.81; -1.64 |
![]() | |
Historia eta erabilera | |
Irekiera | 1934ko azaroaren 17a |
Arkitektura | |
Iruñeko autobus geltoki zaharra Nafarroako Iruñea hiriburuan dagoen eraikin bat da. 2007an Iruñeko autobus geltoki berriak ordezkatu zuen arren, gaur egun eraikinaren barnean plaza publiko bat dago eta urtean zehar hainbat kutur jarduera, erakusketa eta erakustazoken kokalekua da.
Bestalde, erabilerarik gabe gelditu zen eremurako -taberna eta konpainietako bulegoak-, REAS Nafarroak proposatu zuen ekonomia sozial eta solidarioaren toki erreferentziala bihurtzea. Urte batzuk igaro ondoren, Iruñeko Udalak bere egin zuen proiektua, eta eragile askoren ahaleginari esker errealitate bihurtu zen, 2018an ateak ireki baitzituen Geltoki izeneko guneak.
Kokalekua
Iruñeko Bigarren Zabalgunean dago, Oliveto kondearen etorbidearen 6. zenbakiko behe solairuan eta Bakearen plazaren parean. Oliveto kondearen etorbidea, Tutera kalea, Gartzia Ximenez kalea eta Yanguas Miranda kalearen artean.
Sarbide bat Oliveto kondearen etorbidetik du eta bestea Tutera kaletik.
Historia
1934ko azaroaren 17an inauguratu zen. Iruindar eta nafar ugariren bihotzean dagoeneta oroitzapen sakon eta onak dakarzkien eraikina da, autoak urri ziren garaian, nafar eta bisitari ugariren hiribururako sarbide eta irtenbide nagusia baitzen.
2007an hurbil dagoen Iruñeko autobus geltoki berriak ordezkatu zuen eta eraikinari beste erabilera berriak eman zitzaiozkion.
Gaur egun bertan urtero eta negu eta Eguberri denboraldian izotz-lerratoki bat ipini ohi dute.
Zerbitzuak
- Haurgunea (erdialdeko geralekua): jolasak, jokuak, kolunpioak eta 2 solairuko autobus erraldoia, bai eta kale-elementuak ere (iturriak. eserlekuak, txirrindu-aparkalekua, zaborrontziak eta babes-barandilak). 3-12 urteko haurreri zuzendua.
- Gaztegunea (Gartzia Ximenez kaletik hurbilena dagoen geralekua): hiru metroko errokodromoa, pong pongeko hiru mahai. bi futbolin eta xake nahiz jokoanitzetan jolasteko hiru mahai, bai eta kale-elementuak ere (eserlekuak, txirrindu-aparkalekuak eta zaborrontziak). 12 urtetik gorako gaztetxoei zuzendua.
- Gune publikoa eta aisialdi eremua (Oliveto kondearen etorbidetik hurbilena dagoen geralekua): 1.500 m2-ko azalera duen plaza publikoa eta aisialdi. atseden eta biltoki eremua, lau zuhaitz. Lau zuhaitz, 80 eserleku, 50 lorategi txiki, 8 zaborrontzi eta doaineko wifigunea ditu.
Zinema
1997ko Montxo Armendariz nafarrak zuzendutako Bihotz ondoko sekretuak ("Secretos del corazón") filma ospetsuko autobus geltokiaren eszena hementxe filmatu zen.
Ikus gainera
Kanpo estekak
Datuak: Q25476173