Odiseo deritzon gudari baten erretratua
Odiseo deritzon gudari baten erretratua | |
---|---|
![]() | |
Jatorria | |
Sortzailea(k) | Jorge Oteiza |
Sorrera-urtea | 1975 |
Ezaugarriak | |
Materiala(k) | altzairua |
Genero artistikoa | arte publikoa |
Kokapena | |
Herrialdea | ![]() |
Probintzia | ![]() |
Udalerria | Iruñea |
Koordenatuak | 42°49′N 1°39′W / 42.81°N 1.65°W / 42.81; -1.65 |
![]() | |
Odiseo deritzon gudari baten erretratua (gaztelaniaz: Retrato de un gudari llamado Odiseo) Iruñean dagoen Jorge Oteizaren eskultura bat da. Bere kutxa metafisikoen azterketan egindakoa da, eta karga sinboliko handia du, greziar mitologiako pertsonaia bat Euskal Herriarekin lotzen baitu[1].
Izena
Eskulturaren izena Odiseo deritzon gudari baten erretratua gisa aurkezten du Iruñeko udalak, baina Oteizak zioen gudari armatu gisa adierazi behar zela[2].
Eskultura
Iruñean dagoen bertsioa 1990an Jorge Oteiza gipuzkoar eskulturgileak egin zuen eta 1992an bertan paratua izan zen. Hala ere, 1975an hasi zen lanean, Esperimentazio-ondorioa 3 serieko Omenaldia Mallarmeri[3] 1958ko eskultura oinarri hartuta[1]. Odiseo (Ulises) greziar heroiaren alegoria bat da.
Altzairu beltzezko xaflez egina dago. Neurriak: 250 x 192 x 235 cm. eta 1.500 kilogramoko pisua[1].
Kokalekua
Iruñeko zitadelan dago, Armada etorbidearen aldeko sarbide nagusia eta bolborategiaren artean.
![](http://upload.wikimedia.org/wikipedia/commons/thumb/7/70/Sculpture_Odiseo%2C_Parque_de_la_Citadela_in_Pamplona.jpg/250px-Sculpture_Odiseo%2C_Parque_de_la_Citadela_in_Pamplona.jpg)
Erreferentziak
Kanpo estekak
- Odiseo deritzon gudari baten erretratua. Iruñeko eskulturak (Gaztelaniaz)
Datuak: Q20031270